Kata Lom 14:15 - Jola-Kasa

¹⁵ Uyokenumuu atuyi humum hata wahawu wan awu útiñemuu, ulet li káhiisool húbooli. Jakum wah wan utiñe bale újiyi li újimen an an Kilisita akete boot li akila.

Kata Lom 14:15 ပူးပေါင်းရင်းမြစ်များ

Kata Lom 13:10

An áboolimuu an, let akaanool majakut. Ubóolimuu bukan, kama lukankaan loon eluwaayi elobumuu feh.

Kata Lom 14:20

Jakum hutiñ wah hújiyi li ukajen bulokabu bata Ateemit. Mal̥egen mutiñaay manooman mujaajak hutiñ, bale jakut min an atiñ wah waate úji an li alo li kahoofoo.

Kata Lom 15:2

Anoowan li alolaal laate aŋes min akaan afaalool súum boot li majake moola, min alitenool li káyinenaku.

1 Kata Koolent 13:1

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

1 Kata Koolent 8:1

Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

2 Fiyeel 2:1

Babbaj no li bukanabuku kata Isilayeel, bukan kámale koon kufulofet koom. Fan baj foof li bukuluul bukan kaliikene bukan wah walet mal̥egen. Fan kuliiken bukanabuku li búhoolo ló, útin wata kájimen bukan, ban fan yok kuceeŋ Anahaanawu afakeniilumuu. Fan kúŋalul kaniilo kahile boot li buko humumiil.

1 Saŋ 2:2

Mata Yéesu lasenoolosenoolo min aket boot kabonket uhoofoolawu woololaal, ban inti boot li uhoofoolawu woololaal bale, bale foof boot li uhoofoolawu wata adunaayi feh.