Kata Kolos 3:8 - Jola-Kasa

⁸ Bale muñeˈe bukuluul jikat wahawu unwe feh: etindihuuñ, bal̥eet, búl̥afut, li kúloboo. Kulim kajakut jakum kúfulumul li butumuul.

Kata Kolos 3:8 ပူးပေါင်းရင်းမြစ်များ

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Maak 7:22

húfulo aletalet, efañ waleewalet, búl̥afutabu, jabunt bukan, ékandomaayiiñ, kásiibo wah, kúloboo bukan, katebenoolo, búguno.

Kata Lom 13:13

Uloŋaal buloŋ bacole loon loŋemuu tihunak. Jakum unaak utiñaal ujow uwuuhenaal, jakum unaak úkaliyenoolaal, jakum unaak uhintowaal li aletalet, jakum úkaanikoolaal, jakum unaak úmuyutenoolaal, jakum baj batahaay li ololaal.

1 Kata Koolent 3:3

Mata jiloŋe li jiloŋ loon bukanabuku kata adunaayi inye kuloŋemuu. Emmuu li mal̥egenamu babbaj li bukuluul batii li úmuy, inti wahawu unwu úhihhiis kaanaku bukuluul bukan kata adunaayi inye joom? Ban inti jilonloŋ loon bukanabuku kuloŋemuu?

2 Kata Koolent 12:20

Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.

Kata Galasi 5:15

Bale nokoomuu loon jilumoolelumoo ban li jinaak jimeloo, jíkaanum: fan ban di jiniilenoo.

Kata Galasi 5:20

kamanen wah walet Ateemit, kakaan jángafayinde, búlatoo, úmuy, batahaay, etindihuuñ, búhaŋoo, búceeŋoo, bugiiloo,

Kata Galasi 5:26

Jakum utebenaal ubandolaal, ban jakum unaak úgecoolaal. Jakum foof an li alolaal abaj wah, afaalool li atii.

Kata Efées 4:22

Joote kama jikat baloŋelabu booluul buhaanabu bakajenemuu uyinumawu wooluul, ban li jífu’ li kásiibowaku kajakutumuu kanaake kubuntuulumuu.

Kata Efées 4:25

Mó mújimuu, jikat émalimiñ. Anoowan li bukuluul laate alob afaalool mal̥egen, mata alolaal feh ugeb wata eniil yano loomaal.

Kata Efées 4:26

Jiwuñetumuu, jakum jikaan kahoofoo. Jakum banakabu bulo, bukuluul baloŋe li jiwuñet.

Kata Efées 4:29

Jakum kulim kajakut kúfulumul li utumawu wooluul, bale jinaak jilob kulim kásuume kata kawankulen bukan li káyinenaku kooliil. Koote kulako kulim kata kalamben anawu ajantenemuu li ko.

Kata Efées 5:4

Jakut foof min jinaak jilob kulim kata búsunnikoo, kulim kata bul̥uuhoo, mantee foof kúmalla kásuumut bajam. Kulimaku kooluul koote kulako kulim kata kasal Ateemit.

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.

Kata Kolos 3:9

Jakum an ámal asen afaalool, mata jikaakat bo buloŋabu booluul buhaanabu li makaanelamu mata bo,

1 Tímote 1:13

maayeet min ilob nomuu kulim kajakut iya li akila, li ílaamenool ban li ikaanool majakut. Bale Ateemit láyiyenonyiyen mata ibajeenut káyinen li akila, ban ihaasut wahawu wan ilakomuu kakaan.

1 Tímote 1:20

Li bukanabuku umbuku, Himene buko li Alekusandul kumbuku ló. Liŋaliiŋa’ ibet li kuŋen kata Sayitaane mantee li kuhaas koon kukat kúgel Ateemit.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Saak 2:7

Inti buko kugelemuu Kajawaku kajakaaku kan Ateemit asenuumuu?

1 Fiyeel 2:1

Jihoy kama búl̥afut banooban, jabunt bukan, búhoolo, batii, li kúloboo bukan.

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

2 Fiyeel 2:7

Li afaken Lot ammuu an acole, ban bakaanelabu basuuneniyaabu bata bukanabuku kata taŋayi yoola li búsengiwool ŋáa’.

Eleetalayi yan Súd akiicumuu 1:13

Bakaanelabu booliil basuuneniyaabu bunokoonokoo li ñikon ñan kulambaj kata hal hatiñe kúbetenulo. Li kunokoo foof li siwuutasu sammuu li emitayi saliijoole bomuu muñaˈa. Ateemit lacookoole tan sommuu silako akat to li élimayi yáamakayi boot nanoonan.

Eleetalayi yan Súd akiicumuu 1:8

Mo emmuu bukanabuku umbuku kákoliwutumuu Ateemit kukankaan mo manolamu. Kubabbaj uyinoo wabunteyiilumuu wakaaneyiilumuu kuhoofoo li siniilasu sooliil. Li kubes huhaanaahu hata Ateemit, ban li kugel kumalakaaku káyiineniyaaku kata li emitayi.

Búhiisenumabu 16:9

Muñeˈe hásufa háamak li husow bukanabuku. Nan kusowomuu, li kugel kajawaku kata Ateemit aakumuu sembe sata kakaan bukanabuku kúlaam sílaam loon unsu. Bale li kuhoy bakat baloŋelabu booliil bajakutumuu, min kusal Ateemit.