Kata Kolos 3:16 - Jola-Kasa

¹⁶ Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

Kata Kolos 3:16 ပူးပေါင်းရင်းမြစ်များ

Máciya 26:30

Muñeˈe nan kukijenumuu ukijen wata kasal Ateemit kuban, li kúfu’ kujow boot bata Huyuuyahu hata unuunukenawu waaneyimuu Olíibiye.

Hulimahu Hásuumaahu loon Lík akiic homuu 2:51

Fúlum tó, Yéesu li akaan loon kuloboolumuu, min anab li buko kulaañ boot Nasalet. Jaawool li aŋa’ wahawu wabajumuu feh akaan li buyinumool.

Hulimahu Hásuumaahu loon Saŋ akiic homuu 15:7

Jilakomuu lí ínje ban kulimaku kúmbaam li kulako li uyinumuul, jil̥awumuu wahoowah wan jifañe, fan jibaj wo.

Kata Lom 10:17

Mo emmuu, káyinenaku kubilumbilum li kajanten hulimahu hawaaleyimuu, hulimahu unhu hawaaleyimuu ho hommuu Hulimahu hata Kilisita.

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

1 Kata Koolent 14:15

Muñowu kama buu léemi li ikaan? Fan íl̥awum li buyinumom, bale foof fan íl̥awum li butuukowom. Fan ikijenum li buyinumom, bale foof fan ikijenum li butuukowom.

1 Kata Koolent 14:26

Kutuyom, kama muñeˈe boot min een buu? Nan jiwoogemuu, an li bukuluul abajumuu kakijen, layilo akijen ko. An li abaj wah wan áami li aliiken bukanabuku, li alob wo. An li abaj wah wan Ateemit áhiisool boot li bukanabuku, li alob wo. An foof li abaj hulim han áami li asen bukanabuku li elob yahaasuti, li alob ho. Li bil nokoo loon an ayilo átiiw hulim halobi li elob yahaasuti min bukanabuku kuhaas ho, li átiiw hó. Wahawu unwumaa feh, woote ukaani boot kalamben Ejanguwayi min yank.

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Efées 5:17

Mó mújimuu, jakum jikaan bukan kábaamowe, bale joote jínaanum waa Amaaŋenawu afañe min jikaan.

Kata Efées 5:19

Jiŋa’ ukijen, li kúwoolen, li úkim wabilume li Buyinumabu min jinaak jiwankulenoo. Jikijen ukijen min jisal Amaaŋenawu li uyinumuul feh.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Kata Kolos 1:28

Akila lulobaalemuu moola bukanabuku feh. Li unaak usaabaal ban li uliikenaal anoowan feh li bújallo ló banooban, bájum li úŋalulaal anoowan feh manokoole loon Kilisita li wahoowah feh.

Kata Kolos 1:9

Wahawu unwu újimuu, áloli hunakahu nan jijamumuu li kulob mooluul, jikatut kal̥aw Ateemit boot li bukuluul. Alóli jil̥awe Ateemit min akaanuul jihaas jak húnongumahu hoola, naboo li bújallo li butuuko banooban ban Buyinumabu boola busenemuu.

Kata Kolos 4:6

Kulimaku kooluul kujow kulako nanoonan kulim kásuume. Jihaas buu jóotimuu jinaak jibag anoowan jak.

1 Kata Tesalonik 1:8

Li mal̥egenamu, hulimahu hata Amaaŋenawu booluul húfulummuu. Ban inti li etaamayi yata Maseduwaan li yata Akaay bale hujami. Bale kaciimanciimaku kata káyinenaku kooluul li Ateemit kujamijam foof tanootan. Mó lí múji laañut jókoli min jilob mata ko.

1 Kata Tesalonik 4:18

Mó mújimuu joote jítintimbenoolum li kulimaku unku.

2 Kata Tesalonik 3:15

Bale jakum jiŋalool jikaan alatooluul. Jisaabool loon atuyaay asaabeyimuu.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

2 Tímote 3:15

Li mal̥egenamu, yaan no li huñiileyi luhaase Bakiicelabu Banabaabu. Buyilo buseni bújallo baate bújiyi li úyinen li Yéesu Kilisita min ufak.

Eleetalayi yan Fool akiicumuu Tit 3:6

Ateemit lájowunjowum li Yéesu Kilisita ammuu Afakenaawu oololaal, min ayiis ŋáa’ Buyinumabu umbu Banabaabu li alolaal.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

Saak 5:13

An li bukuluul áamimuu li sílaam, li al̥aw. Bajumuu an li bukuluul áami li ésuumansuum, li akijen ukijen wata kasal Ateemit.

1 Saŋ 2:14

Bañoolom, ilaañen ikiiculuul min íhiisuul kaanaku jihaase Atuubaawu. Kunahaan, ilaañen ikiiculuul min íhiisuul kaanaku jihaase anawu afimmuu min áami tó yaan no li húkitumahu. Báfulabe, ilaañen ikiiculuul min íhiisuul kaanaku jibabbaj sembe. Hulimahu hata Ateemit hunhu nanoonan li bukuluul, ban jiheeheek Sayitaane.

1 Saŋ 2:24

Mó mújimuu, jiŋa’ kulimaku kan jijam nomuu yaan li húkitumahu, jikaan li uyinumuul. Nokoomuu loon kulimaku kan jijam nomuu yaan li húkitumahu kunku nanoonan li uyinumuul, fan foof jijamoo li Añiilawu li Atuubaawu.

1 Saŋ 2:27

Bale bukuluul, Kilisita laŋaŋŋa’ Buyinumabu boola akaan li bukuluul. Emmuu Buyinumabu bumbu nanoonan li bukuluul, jokutuul min akee abil aliikenuul, mata Buyinumabu fan buliikenuul wahoowah feh. Ban wahawu wan bommuu li buliikenuul wah wata mal̥egen, let wah wata émalimiñ. Wahawu unwu újimuu jikaan loon Buyinumabu buliikenuumuu, min jibaj hujamoo halite li Kilisita.

2 Saŋ 1:2

Mata mal̥egenamu mummu li alolaal, ban fan mulako li alolaal boot nanoonan.

Búhiisenumabu 14:3

Bukanabuku umbuku li kukijen kakijen kawunkul hákil efenjeŋayi yata jáyiiyaju, hákil wahawu ubakiilawu waloŋumuu li kunahaanabuku kahallenumuu. Ban anoowan ayilaat aliiken kakijenaku unku ábuti li bukanabuku sínjunne téemeel li kúyii kúl̥uba li kubakiilaku kan Ateemit áfakenumulomuu li etaamayi feh.

Búhiisenumabu 15:3

Li kunaak kukijen kakijenaku kata Móyiis, ammuu alokaawu ata Ateemit li kakijenaku kata Agálalaanawu koon: «Amaaŋen Ateemit ata sembe, mo balokelabu booli buluuke ban li bújaahaleni ŋáa’! Awu ommuu Ayíiyawu ata bukanabuku kata sihetasu feh, mo makaanelamu mooli mucole ban li mulako mal̥egen!

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.