Kata Kolos 2:18 - Jola-Kasa

¹⁸ Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

Kata Kolos 2:18 ပူးပေါင်းရင်းမြစ်များ

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Kata Lom 1:25

Li kutiiben mal̥egenamu mata Ateemit li émalimiñ. Li kunaak kumanen ban li kusal wahawu wan Ateemit áwuwenumuu, min kukat bo Ateemit áwuwen womuu, ásooniyenimuu boot nanoonan. Aameen.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

1 Kata Koolent 13:4

Húbooli húmuñ, húbooli másuum. Húbooli inti batii, húbooli inti kasaloolo, húbooli inti katebenoolo.

1 Kata Koolent 3:3

Mata jiloŋe li jiloŋ loon bukanabuku kata adunaayi inye kuloŋemuu. Emmuu li mal̥egenamu babbaj li bukuluul batii li úmuy, inti wahawu unwu úhihhiis kaanaku bukuluul bukan kata adunaayi inye joom? Ban inti jilonloŋ loon bukanabuku kuloŋemuu?

1 Kata Koolent 4:18

Kukee li bukuluul kutebenteben ubandiil mata kuyinooyinoo li koon let ibil booluul.

1 Kata Koolent 4:6

Kutuyom, wahawu wan ilobuulumuu feh, lilollob wo iya li Afolos lí ínje humumom boot li majakaamu mooluul. Lifañeene min jiliikenum li áloli wahawu wan húlobuwahu unhe hufañumuu hulob: «Jakum jikaan wah jijow jiwuuhen wahawu wakiicimuu.» An li bukuluul aatut ateben ubandool mata min alaañe bata akee min akat bo aahu.

1 Kata Koolent 8:1

Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

1 Kata Koolent 9:24

Inti bukuluul jihaase kaanaku bukanabuku kaheekoolemuu li etey li kukaakaku, foofiil feh fan kutey, bale an ano li buko ammuu li aheek min aŋa’ bacaamabu? Bukuluul foof kama jitey etey yata min jiheek min jiŋa’ bacaamabu.

2 Kata Koolent 11:3

Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa.

2 Kata Koolent 12:20

Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

Kata Fílib 3:14

Injé ummu min ihankenemuu min itey boot tan iteyemuu boot, mantee li iyab bacaamabu ban Ateemit ahooñolaamuu boot uyabaal haatiya, humum hata hujokoolahu hoololaal li Yéesu Kilisita.

Kata Kolos 2:23

Li mal̥egenamu, siluwaasu unsu ujuke somuu li oon bújallo bóomi ló, mata silollob buu anoowan ammuu li anab li bútinabu boola, mata kawalenoolo, li mata katek eniil, bale siluwaasu unsu sibajut jáliŋ. Soonosoono to boot kakaan eniilayi súum bale.

Kata Kolos 2:4

Lilobuulob wahawu unwu, jakum bil an abuntumuul li balobe básuume.

Kata Kolos 2:8

Jíkaanum jakum bil an abuutumuul li Sihekej. Laalu émalimiñ yabilumulo li bújallo bata ál̥ahukowan, li sembaasu sata uyinumawu wajakutaawu wammuu li adunaayi, bale inti li Kilisita ebilumulo.

1 Tímote 1:7

Li kufañ kulako kuliikena káamak kata eluwaayi yata Ateemit, bale kúnaanumut kulimaku kooliil humum ko, li wahawu wan kulobemuu mata wo li kákangum ló káamak.

1 Tímote 4:1

Buyinumabu bulollob buhant boon, li kunakaku kúbanumaku bukan kameeŋe fan kukat bo káyinenaku kooliil, min kujow kunab li uyinum wabunte, li baliikene bata uyinum wajakut.

2 Fiyeel 2:14

Li kuŋa’ kúkiliil feh kuya li kanaalaabuku, ban kúmusut kukat kakaan kahoofoo. Fan kunaak kubuutoo bukanabuku kágootomuu. Uyinumawu wooliil feh li woono li huŋes hubaj. Katekaku kata Ateemit kunku li buko.

1 Saŋ 2:26

Bukanabuku kafañumuu kabuntuul kújimuu li ikiiculuul wahawu unwu.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 3:11

Injé ummu li ibil. Utúk wahawu wan ookumuu lit, jakum bil an aŋa’ bacaamabu booli.