Kata Galasi 6:8 - Jola-Kasa

⁸ An awañumuu wahawu wásuumumuu eniilayi, fan acac wahawu wan eniilayi ebukemuu. Wo wommuu eketayi. Bale an awañumuu wahawu wásuumumuu Buyinumabu Banabaabu, fan acac wahawu wan Buyinumabu Banabaabu bubukemuu. Wo wommuu buloŋabu bábaneliitumuu.

Kata Galasi 6:8 ပူးပေါင်းရင်းမြစ်များ

Máciya 19:29

Ban an akat bomuu siluufool, mantee kutuyool, mantee kúliinool, mantee atuubawool, mantee jaawool, mantee bañoolool, mantee foof etaamool mata ínje íji, fan abil abaj wahawu unwu feh haŋ to ñoono téemeel, ban foof fan abaj buloŋ bábaneliit.

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Hulimahu Hásuumaahu loon Lík akiic homuu 18:30

anawu ummu fan ayab muñeˈe wah haŋ to ŋáa’, ban fan abil abaj buloŋabu bábaneliitumuu li taŋayi yabilemaa.

Hulimahu Hásuumaahu loon Saŋ akiic homuu 4:14

Bale an ahobumuu malamu man emmuu li isenool, bahob let bumit bulaañ bujokool. Mata malamu man emmuu li isenool, fan mulako kábulen li akila dán buloŋabu bábaneliitumuu bóomi li búfulumul.

Hulimahu Hásuumaahu loon Saŋ akiic homuu 4:36

Anawu ammuu li ecacayi layaane ayab bacaamool aban, ban li awoogen káhanjiinaku boot li buloŋabu bábaneliitumuu. Mo emmuu, anawu al̥ukemuu li anawu acacemuu fan kubaj ésuumahukow li mano.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Kata Lom 13:14

Jiŋa’ bóonowabu bata Amaaŋenawu, ban jakum jikat bóonowabu bata eniilayi min buŋaluul bubet li kásiibowaku kata yo.

Kata Lom 6:13

Jakum jiŋa’ wah wata eniilayi yooluul min jinaak jikaan kahoofoo loon eenimuu wah wata boot kakaan majakut. Jisenoolo min jilok boot li Ateemit loon bukan kayitowumulo li eketayi kubil koono li buloŋ. Jisenoolo foofuul feh boot kakaan wah wacole boot li Ateemit.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Kata Lom 8:11

Nokoomuu loon Buyinumabu bata Ateemit ayitenumulomuu Yéesu Kilisita li eketayi, bumbu min bukine li bukuluul, Ateemit ayitenumuloomuu li eketayi fan ájowum li Buyinumabu umbu Banabaabu bakinumuu li bukuluul, min asen buloŋ eniilayi yooluul yammuu li ebil eket.

Kata Lom 8:13

Jiloŋumuu naboo li bóonowabu booluul, fan jiket; bale jíjowummuu li Buyinumabu Banabaabu min jimuk bakaanelabu bajakutumuu bata eniilayi, fan jiloŋ.

Kata Lom 8:6

Kayinoo mata kásiibowaku kata eniilayi, kumukemuk; bale kayinoo mata wahawu wan Buyinumabu Banabaabu bufañumuu, kusenesen buloŋ li kásuumaay.

1 Kata Koolent 15:42

Muñowu emmuu li bil nokoo nan kaketumuu kommuu li kuyitowumul li eketayi. Eniilayi ehokimuu li etaam, ekankaan eniil yakajene. Nan yommuu li eyitowumul li eketayi, li ekaan eniil yayilaat ekajen.

Kata Galasi 6:7

Jakum jibuntoolo, Ateemit let akat an min ajokool loon esoŋ. Li mal̥egenamu, wah wan an awañe, wo foof láamimuu li acac.

1 Tímote 1:16

Bale wahawu unwe újimuu Ateemit li áyiyenom: lafanfañ min Yéesu Kilisita áhiisum lí ínje, ammuu átinaa li kuhoofoolaabuku feh, húmuñahu hoola háamakahu, min lako bukittenoolum boot li bukanabuku kammuu li kubil kúyinen li akila, min kubaj buloŋabu bábaneliitumuu.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Saak 3:18

Bukanabuku kaŋesemuu kásuumaay, tan kommuu kulako fan kubet to sígul sata kásuumaay, ban wahawu wan kommuu kúbajum tó, wo wommuu buloŋ bacole.

2 Fiyeel 2:12

Bukanabuku umbuku kukaanekaan loon bukan kaakut uyinum, loon sínuukuleŋ sabukeyimuu boot jajok jow muk.

2 Fiyeel 2:19

Fan kooniil boot min kukaaniil kúfu’ li humiikeeleto, ban buko humumiil emiikeel koom yata bakaane bajakut; mata an amiikeel laam ata wahoowah wan ayilaat akat.

Eleetalayi yan Súd akiicumuu 1:21

Jilako li húbooliyahu hata Ateemit min jikob hunakahu nan Amaaŋenawu oololaal Yéesu Kilisita ammuu ásenuul buloŋabu bábaneliitumuu, mata kabonketaku koola kúji.

Búhiisenumabu 22:11

An ájakaatimuu, jakum akat bújakaatiyabu boola. An anaakumuu akaan wah wasetut, jakum akat kakaan wah wasetut. An anaakumuu akaan majake, jakum akat kakaan majake. An aloŋumuu boot li Ateemit, jakum akat buloŋ boot li Ateemit.