Kata Galasi 6:14 - Jola-Kasa

¹⁴ Injé, ifañut min isaloolo mata wah ukee wábute li eketayi yan Amaaŋenawu oololaal Yéesu Kilisita aketumuu li ekuluwaayi. Mata lí ínje, adunaayi ekeeket li ekuluwaayi. Ban li adunaayi foof, ínje likeeket li ekuluwaayi.

Kata Galasi 6:14 ပူးပေါင်းရင်းမြစ်များ

Hulimahu Hásuumaahu loon Lík akiic homuu 20:16

Fan abil, li amuk kulokaaku kata úbiiñawu min aŋa’ bul̥ibabu bata úbiiñawu asen kuloka kukee kooken. Nan bukanabuku kujamumuu kulimaku unku, li koon: — Ateemit jakum akat min wahawu úmus ubaj!

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 6:2

Múk! Alolaal an emmuu kahoofoo lakeeket li alolaal, buu emmuu nokoo li umit uloŋaal li kahoofoo?

Kata Lom 6:6

Uhaasaal kaanaku bóonowabu boololaal buhaanabu bubaaŋoolibaaŋoo li Kilisita li ekuluwaayi, mantee eniilayi yahoofoolemuu li ekajeni min ukataal kalako emiikeel yata kahoofoo.

1 Kata Koolent 1:23

Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

1 Kata Koolent 2:2

Mata li mal̥egenamu, nan ilakomuu li bukuluul lijoojok li buyinumom kaanaku ifañut min ihaas wah ukee wábute li Yéesu Kilisita, háŋum Yéesu Kilisita abaaŋimuu li ekuluwaayi.

1 Kata Koolent 3:21

Mó mújimuu, jakum an asaloolo mata bukan kúji, mata wahawu feh wooluul:

2 Kata Koolent 11:12

Wahawu wan ikaanumuu, fan inaak ikaan wo foof, jakum bil isen bútin bukanabuku umbuku kammuu li huŋesahu hata bo min kusaloolo mata min kuloke loon áloli jilokemuu.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 2:17

Bale nokoomuu loon alolaal aamaalumuu kusuwif ummuwaal li huŋes min ulakowaal bukan kacole humum hata hujokoolahu hoololaal li Kilisita, ban kama lóomiyaal kuhoofoola loon kaletumuu kusuwif, mantee wahawu unwu fan úji li lako Kilisita aloka laam ata kahoofoo? Maayeet!

Kata Galasi 2:19

Li ínje, mata eluwaayi, likeeket ban li eluwaayi humum yo líketume, mantee li iyili iloŋ boot li Ateemit. Injé limukoolimukoo li Kilisita li ekuluwaayi.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Galasi 3:21

Waa, mantee wahawu unwu uyilo úji li lako kama eluwaayi éhooguuhoogul wahawu wan Ateemit alobumuu kasen Abulaham? Maayeet, inti mo. Nokoomuu loon babbaj eluwa yaseni yayilo ekaan bukanabuku kuloŋ, kama yo yommuu Ateemit layilo ajok an loon an acole humum hata eluwaayi.

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Fílib 3:18

Lilobeenuul mo iban ñameeŋe, ban boot min ilaañen ilobuul mo muñeˈe li jíl̥ok ló: baje bukan kameeŋe kaloŋe loon kulatoola koom kata ekuluwaayi yata Kilisita.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

Kata Kolos 2:20

Kaanumuu loon bukuluul jiketooketoo li Kilisita, min jífu’ li makaanelamu mata uyinumawu wata adunaayi, wáa lí újiwuul li jinaak jiloŋ loon eenimuu li kuŋen adunaayi joom? Wáa újiye li jinaak jikaan loon adunaayi elobumuu: