Kata Galasi 6:12 - Jola-Kasa

¹² Bukanabuku kafañumuu min kutuuŋuul jitey búkut aketumuu li ekuluwaayi.

Kata Galasi 6:12 ပူးပေါင်းရင်းမြစ်များ

Máciya 23:27

«Katek kujow kulako li bukuluul, jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jinokoonokoo li kuyaak kákili mahiite, kan ujukelemuu li kujak tíyaŋ, ban kata láala li meeŋ dó siwuul sata bukan kakete, li wah wajakut.

Máciya 23:28

Bukuluul foof kata tíyaŋuul, jinokoonokoo hákil ésukayi loon bukan kajake. Ban kata láalawuul li meeŋ dó búhoolo li uhoofoo.

Máciya 23:5

Wahoowah feh wan kukaane, kukankaan wo boot ñajuko. Mó lí múji li kunaak kuŋa’ hulimahu hata Ateemit kukaan li kuhut káamak, kukok li síjontumasu sooliil, mantee foof li sibosokasu sooliil. Ubeyawu wata kújufaaku kooliil wáamak, ban li kunaak kugalo ul̥aac wabaake.

Máciya 5:10

Awólo, kan kúlaatenemuu mata kulolloŋ buloŋ bacole hákil Ateemit, mata Jáyiiyaju jata Ateemit jooliil.

Máciya 6:16

— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.

Máciya 6:2

«Mó mújimuu, usenumuu asukateen wah, jakum ul̥ok kasiin. Mata muñaˈa káhoolomuu kukaanemuu li siluufasu sata kal̥awaku, li útinawu, bájum ésukayi li esaliil. Li mal̥egenamu fan ilobuul, bacaamabu booliil kuyab bo kuban.

Máciya 6:5

— Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.

Hulimahu Hásuumaahu loon Lík akiic homuu 16:15

Yéesu li aaniil: — Bukuluul jikankaan bukan kajokoolowe loon bukan kacole joom hákil ésukayi, bale Ateemit lahaase waa wóomi li uyinumuul. Mata wahawu wan bukanabuku kuluukenumuu, Ateemit afañut wo maayeet.

Hulimahu Hásuumaahu loon Lík akiic homuu 20:47

Li kuyab wahawu feh wan kaalaaku kahokumuu kúyiniil kuhine kubajumuu, ban li kunaak kul̥aw fiyo boot ñajuko. Mó mújimuu, Ateemit fan atekiil kútek kásengiye ŋáa’.

Hulimahu Hásuumaahu loon Saŋ akiic homuu 7:18

An álobummuu li kajaw koola akila humumool, kasaloolo laŋese. Bale an aŋesumuu kasal kata anawu áboñuloolumuu, anawu ummu an ata mal̥egen, ban búhoolo bulet li akila.

Bakaanelabu 15:1

Kánayine kukee li kubilum li etaamayi yata Súde boot Antiyok, min kulako kaliiken káyinenumuu li Yéesu kooniil: — Let jiyili jifakeni, bukuluul bateyenuti búkut elobumuu.

Bakaanelabu 15:5

Bale kukee li bukanabuku kata hujojahu hata kufaaliisiyeŋaku káyinenumuu, li kuyito min koon: — Fan jiteyen búkut bukanabuku feh káyinenumuu li Yéesu kaletumuu kusuwif, ban li jooniil kukaan loon eluwaayi yata Móyiis elobumuu.

2 Kata Koolent 10:12

Li mal̥egenamu, áloli jikaañenut jiliiko, mantee foof jikittenoolum li kukee li bukanabuku kaluukenoolomuu buko humumiil. Bukanabuku umbuku kuŋalooloŋaloolo kukaan kaliikum boot li buko humumiil, ban li kuŋaloolo foof kukaan bukittenoolum boot li buko humumiil. Kutuukowut maayeet!

2 Kata Koolent 11:13

Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom.

Kata Galasi 2:14

Bale nan ijukumuu kaanaku kunabut col li mal̥egenamu mata Hulimahu Hásuumaahu, li ilob Fiyeel bújooŋoo hákil ésukayi feh eenool: «Awu jafane ommuu asuwif, uloŋumuu loon kaletumuu kusuwif kuloŋemuu búti li baloŋelabu bata kusuwifaku, buu loote uban li uyili utuuŋ kaletumuu kusuwif kuloŋ loon kusuwifaku kuloŋemuu?»

Kata Galasi 2:3

Bale Tit anaboolemuu lí ínje, maayeet min áamimuu an ata etaamayi yata Gilees, kutuuŋutool atey búkut,

Kata Galasi 5:11

Kutuyom, nokoomuu loon ínje liloŋe li iwaale mata katey búkut, wáa lí úji li kumit koono li kálaamenom? Nokoomuu loon mo, kama muñeˈe busiisijanabu babilummuu li eketayi yata Kilisita li ekuluwaayi, búfule.

Kata Galasi 6:13

Bukanabuku umbuku kateyemuu búkut, buko humumiil kúkaaneliit loon eluwaayi elobumuu. Kufañe min kukaanuul jitey búkut mantee li kújowum tó kusaloolo mata min kújiwuulumuu li jitey búkut.

Kata Fílib 1:15

Mal̥egen kukee li buko kásiibo li búhaŋoo bújiyiilumuu li kunaak kuwaale mata Kilisita, bale kaabuku kuwaaleyewaale mata Kilisita li buyinum bajake.

Kata Fílib 2:4

Jakum an li bukuluul aŋes wahawu wajakumuu boot li akila balewool, bale aŋes foof wajakumuu boot li kaabuku.

Kata Fílib 3:18

Lilobeenuul mo iban ñameeŋe, ban boot min ilaañen ilobuul mo muñeˈe li jíl̥ok ló: baje bukan kameeŋe kaloŋe loon kulatoola koom kata ekuluwaayi yata Kilisita.

Kata Kolos 2:23

Li mal̥egenamu, siluwaasu unsu ujuke somuu li oon bújallo bóomi ló, mata silollob buu anoowan ammuu li anab li bútinabu boola, mata kawalenoolo, li mata katek eniil, bale siluwaasu unsu sibajut jáliŋ. Soonosoono to boot kakaan eniilayi súum bale.