Kata Galasi 6:1 - Jola-Kasa

¹ Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

Kata Galasi 6:1 ပူးပေါင်းရင်းမြစ်များ

Máciya 11:29

Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Máciya 26:69

Muñeˈe no unnu, Fiyeel li abah tíyaŋ li ekaakayi yata anahaanawu ata élambaayi. Agoloola ata anahaanawu ata élambaayi li ákoojul Fiyeel min aanool: — Awu foof lunaanaak unaboo li Yéesu áfulumulomuu li etaamayi yata Gálile.

Máciya 26:75

Li awayil̥o hulimahu han Yéesu alobool nomuu aanool: «Fan uceeŋ oon luhaasonhaas ñoono ñáhaaji tówum káyin kul̥ok.» Li áfulul tíyaŋ alako bo jíl̥ok jáamak.

Máciya 9:13

Jijow jiŋes min jihaas waa Ateemit afañe alob li hulimahu unhe: «Inti usila sínuukuleŋ lifañe, bale lifañe min jinaak jíyiyen bukanabuku.» Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Kata Lom 14:1

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

Kata Lom 15:1

Alolaal jabajaalumuu sembe li káyinenaku, lootaale ulambenaal kágootomuu li káyinenaku. Jakum uŋesaal wahawu wásuumolaamuu bale.

Kata Lom 8:6

Kayinoo mata kásiibowaku kata eniilayi, kumukemuk; bale kayinoo mata wahawu wan Buyinumabu Banabaabu bufañumuu, kusenesen buloŋ li kásuumaay.

1 Kata Koolent 10:12

Mó mújimuu an ayinomuu li aan layitoyito, laate ákaanum jakum bil alo.

1 Kata Koolent 14:37

An li bukuluul ayinoomuu li aan akila afulofet laam, mantee foof kulimaku kan alobemuu li Buyinumabu Banabaabu kubilumulo, laate kama ahaas aan wahawu wan ikiiculuulumuu, hulim hata Amaaŋenawu.

1 Kata Koolent 2:15

An abajumuu Buyinumabu bata Ateemit layilo alob buu wahoowah feh woono, bale an let ayili alob buu laano.

1 Kata Koolent 3:1

Kutuyom, li mal̥egenamu iyiliwut ilob li bukuluul loon bukan kabaje Buyinumabu bata Ateemit. Lilollob li bukuluul loon bukan kata adunaayi inye, loon bukan kañiilowe li káyinenaku kooliil li Kilisita.

1 Kata Koolent 4:21

Waa jihaŋe mafañ? Mantee ibil boot booluul li egol ló, mantee li húbooli ló li buyinum bájoobiye?

1 Kata Koolent 7:5

Jakum an li buko kúl̥uba ahoy min kuhinto li afaalool, mantee yo yommuu buko bajamoole min kukokkoben jakee min kunaak kul̥aw Ateemit. Bale fúlum tómuu, li kulaañen kuloŋ buloŋiil bata búyabo, jakum bil kúyiliyaati kujokoo min kusen Sayitaane bútin min abuutiil.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 2:7

Mó mújimuu muñeˈe joote kama jibonket anawu ummu ban li jiwankulenool, jakum bil abaj buyina bahaŋool sembe yok áyeko.

2 Kata Koolent 2:8

Wahawu unwu újimuu ínje ummu li kal̥awuul min jíhiisool kaanaku jíbooliwoobooli.

Kata Galasi 5:23

kájoobi buyinum, li hujokoo. Wahawu unwu feh, eluwaayi éhilut wó.

Kata Galasi 6:18

Kutuyom, kájiyaku kata Amaaŋenawu oololaal Yéesu Kilisita, kujow kulako li buyinumuul. Aameen.

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

2 Kata Tesalonik 3:15

Bale jakum jiŋalool jikaan alatooluul. Jisaabool loon atuyaay asaabeyimuu.

2 Tímote 2:25

Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;

Eébulo 12:13

Jikaan útin wacole boot li kootaku kooluul, jakum bil anawu akajumuu ahaŋ makaj, bale min alako jak.

Eébulo 13:3

Jinaak jiwayil̥o bukanabuku kammuu li hukul̥, loon eenimuu bukuluul humumuul foof, kukul̥ooluukul̥oo li buko. Jiwayil̥o bukanabuku kan kommuu li kálaamen, loon eenimuu bukuluul foof jumbuku li sílaam li siniiluul loon buko.

Saak 3:13

Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

Saak 3:2

Alolaal foofolaal feh lutilenaaletilen ñameeŋe alolaal li elob. Nokoomuu loon baje an áliimooleliit akila li elob, anawu ummu an anabe. Lakankaan an ayilo foof ajokoo foofool feh.

1 Fiyeel 3:15

Jihaas li uyinumuul kaanaku Kilisita anabumuu, ammuu Amaaŋenawu. Joote jifale nanoonan jikat to, mantee an agel̥l̥enuulumuu wáa újiye li jibaj káyinenaku kan jookumuu, li jiyili jilobool mata ko.

1 Saŋ 5:16

An ajukumuu atuyool okila li kakaan kahoofoo kaatut kújiwool li aket, laate al̥aw, ban Ateemit fan asen atuyool ummu buloŋ. Ilobut bukanabuku kakaanumuu uhoofoo waate újiyiil li kuket. Mata baje kahoofoo kájiye an li aket. Inti kahoofoo loon unku leenuul jil̥aw boot li ko.