Kata Galasi 5:6 - Jola-Kasa

⁶ Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Galasi 5:6 ပူးပေါင်းရင်းမြစ်များ

Hulimahu Hásuumaahu loon Lík akiic homuu 7:5

Mata lafanfañ bukanabuku koololaal, ban akila ájimuu eluufayi yoololaal yata kal̥awaku li eteefi.

1 Kata Koolent 13:13

Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.

1 Kata Koolent 7:19

Utey búkutoo, uteyut búkutoo, bajut jáliŋ. Wahawu wabajumuu jáliŋ wo wommuu kátuul kulimaku kata Ateemit.

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

Kata Galasi 3:26

Káyinenaku kooluul li Yéesu Kilisita kújiwuuji li jilako bukuluul foofuul feh bañiil bata Ateemit.

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

Kata Galasi 6:15

Li mal̥egenamu, utey búkut, uteyut búkut, bajut jáliiŋ yanooyan. Wahawu wabajumuu jáliiŋ, wo wommuu min Ateemit akaani ulako búwuwenum buwunkul.

Kata Efées 6:23

Ateemit Atuubaawu li Amaaŋenawu Yéesu Kilisita, kujow kusen kutuyolaal feh kásuumaay, húbooli, li káyinen.

Kata Kolos 1:4

Jisalesal Ateemit mata jijanjam mata káyinenaku kooluul li Yéesu Kilisita, li mata húbooliyahu han jíboolimuu bukanabuku feh kata Ateemit.

Kata Kolos 3:11

Muñeˈe jáliŋ yanooyan elet to an balet asuwif ammuu wahoowah feh li anoowan feh.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

Eébulo 11:8

Káyinen kújimuu Abulaham li átuul nan Ateemit ahooñoolumuu boot áfu’ li ésukayi yoola, min ajow boot li etaamayi yan ammuu li asenool akil. Abulaham li ajow okila bahaasut bay lajeˈe boot.

1 Fiyeel 1:8

Yéesu Kilisita an jíboolimuu bukuluul bajukutool, li jíyinen li akila maayeet min jijukolutoomuu, okila ájimuu li jibaj ésuumansuum yan an ayilaat alob mata yo, ban li éyiineni,