Kata Galasi 5:10 - Jola-Kasa

¹⁰ Injé libabbaj kákangum li bukuluul li Amaaŋenawu kaanaku let jibaj kayinoo kakee kábute li kúmbaam. Bale anawu águul̥emuu li bukuluul, aano min aano, Ateemit fan atekool.

Kata Galasi 5:10 ပူးပေါင်းရင်းမြစ်များ

Bakaanelabu 15:24

Jijanjam kaanaku kukee li óloli, kubiibil kulillimenuul, min kúguuhuul uyinum li kulimaku kooliil. Bale inti óloli jiboñuliil.

1 Kata Koolent 5:5

jibet anawu ummu li kuŋen kata Sayitaane min ábuj eniilayi yoola, mantee yaalayi yoola li ebil efak li hunakahu nan Amaaŋenawu ammuu li abil.

2 Kata Koolent 1:15

Li káwooluwaku unku kan ibajumuu, lifañeenumuu min ijand ibil boot booluul mantee li jiyili jibaj wah wajake úl̥ubut.

2 Kata Koolent 10:2

Injé ummu li kal̥awuul: jakum jíjiwom li ibil booluul íliiŋul, li ilobuul kulim kátaañiye, mata lifañe min íhiis kakaañenaku kúmbaam bukanabuku kaanemuu wahawu wan áloli jikaanemuu, li kásiibo kata eniilayi jíkaanum wo.

2 Kata Koolent 10:6

Muñeˈe nan bukuluul jommuu li jítuul li mal̥egen kulimaku kan jilobuulumuu, áloli fan jitek bukanabuku feh kátuulut kómuu.

2 Kata Koolent 13:10

Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.

2 Kata Koolent 2:3

Wahawu wájimuu li ikiiculuul eleetalayi, wo wommuu jakum bil íliiŋul booluul kukee li bukuluul li kukaanom buyina, ban buko kooteenumuu kújiwom li ibaj ésuumansuum. Ban líyinene kaanaku ésuumansuumayi yúmbaam, yooluul foof bukuluul feh.

2 Kata Koolent 2:6

Kawatatenaku kan bukan kameeŋe li bukuluul kuwatatenumuu anawu ummu kufite boot li akila.

2 Kata Koolent 5:16

Mó mújimuu, muñeˈe áloli let jíhaasum an li bóono bata ál̥ahukowan. Maayeet min kite eenimuu no, li bóono bata ál̥ahukowan áloli jíhaasume Kilisita, bale muñeˈe let jíhaasumool loon muñaˈa.

2 Kata Koolent 7:16

Súumonsuum ŋáa’ min ihaasumuu een liyilo íkangum li bukuluul li wahoowah feh.

2 Kata Koolent 8:22

Jíboñuluuboñ atuyolaal min ánaboolul li buko. Jiyoobooyoob ñameeŋe li wah wameeŋe min jijuk, ban jijuujuk kaanaku lakankaan an ajasowe. Muñeˈe lahaŋe majaso, mata lababbaj kákangum káamak li bukuluul.

Kata Galasi 1:7

Li mal̥egenamu, «hulim hásuume» hakee hubajut, bale lilobuulob loon muñowu mata baje bukan káami li kalillimenuul, min kufañ kutiiw Hulimahu Hásuumaahu hata Kilisita.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

Kata Galasi 2:6

Bale mata kunahaanabuku umbuku kajokimuu loon bukan káamak — ban wahawu wan kulako nomuu, inti wo ubaje jáliŋ, mata Ateemit ájukeleliit li buul — bukanabuku umbuku kutuuŋutom ikaan wah ukee.

Kata Galasi 3:1

Bukuluul jata Galasi, mo jikite jíbaamo! Kama ayi aguhuul? Imban líhiisuuhiis jak buu Yéesu Kilisita aketumuu eeno li ekuluwaayi.

Kata Galasi 4:11

Líkolikoli mooluul, mata min bil lako bulokabu ban ikaanumuu boot li bukuluul kama kakaal̥o!

Kata Galasi 4:17

Bukanabuku umbuku kumelowuumelo, ban li koono li kahanken mantee li kúñakuluul jilaañ booliil. Bale uyinoolawu wooliil ujakut. Wahawu wan kufañumuu bale, wo wommuu min kutiilooluul lí ínje mantee li jiluukeniil.

Kata Galasi 4:20

Lifañeene ŋáa’ min ilako li bukuluul muñeˈe min oomaamee, mantee li ilob li bukuluul li hulim hábuto, mata buyina báamak bookom mata bukuluul jíji.

Kata Galasi 5:12

Bukanabuku kammuu li kalillimenaku kooluul, lifañeene kama min kujow kukaan min kukeekiil foof!

Kata Galasi 5:7

Jijowenjow jak! Kama ayimaa áfiife bútinabu min alenjenuul jífu’ li mal̥egenamu?

Kata Galasi 6:17

Muñeˈe hunakahu hata síyaat, jakum bil an alaañen alillimenom; mata káakumaku kata sílaamasu sata Yéesu, kunku li eniilayi yúmbaam.

Kata Fílib 3:15

Alolaal jaamaalumuu bukan kanke li káyinenaku li Yéesu, lootaale unaak uyinoolaal loon muñaˈa. Li bil nokoo loon babbaj tikee tan jibaje kayinoo kábuto, Ateemit fan áhiisuul to jak foof.

2 Kata Tesalonik 3:4

Amaaŋenawu lákaanolikaan jibaj húkangum li bukuluul kaanaku bukuluul jumbuku li kakaan wahawu wan jilobuulumuu ban let jikat kakaan wo.

1 Tímote 1:20

Li bukanabuku umbuku, Himene buko li Alekusandul kumbuku ló. Liŋaliiŋa’ ibet li kuŋen kata Sayitaane mantee li kuhaas koon kukat kúgel Ateemit.

Filemoŋ 1:21

Likiiculikiic eleetalayi inye mata líyinenyinen kaanaku fan ukaan loon ilobimuu. Ban foof lihaase een fan ukaan haŋ to.