Kata Galasi 4:6 - Jola-Kasa

⁶ Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Galasi 4:6 ပူးပေါင်းရင်းမြစ်များ

Maak 14:36

Li aan: — Faafa, Atuubawom, bajut wah wayilo uheeki kakaan. Ulóyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Lík akiic homuu 11:2

Yéesu li aaniil: — Jilakomuu kal̥aw, li joon: «Faafa, Ukaan min ésukayi ehaas yoon awu ommuu Ateemit. Jáyiiyaju jiya jibil.

Hulimahu Hásuumaahu loon Saŋ akiic homuu 14:16

Injé fan il̥aw Atuubaawu min asenuluul anattena akee, min alako li bukuluul boot nanoonan.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Hulimahu Hásuumaahu loon Saŋ akiic homuu 16:7

Bale boot min ilobuul mal̥egen: haŋe majak boot li bukuluul mín ínje ijow. Mata ijowutumuu Anattenaawu let abil alako li bukuluul. Bale ijowumuu, fan íboñuluul ó’.

Hulimahu Hásuumaahu loon Saŋ akiic homuu 3:34

Anawu an Ateemit aboñulomuu, kulimaku kata Ateemit lalobe, mata Ateemit lasenoosen ŋáa’ Buyinumabu boola.

Hulimahu Hásuumaahu loon Saŋ akiic homuu 7:39

(Yéesu lalollob kulimaku unku aya li Buyinumabu Banabaabu, ban káyinenumuu li akila kóotimuu kuyab. No unnu, Buyinumabu Banabaabu bo basenoluti, mata Ateemit báhiisolut máyiineniyamu mata Yéesu.)

Bakaanelabu 16:7

Nan kujowumuu kulehen etaamayi yata Miisi, li kufañeen min kujow boot Bitini, bale Buyinumabu bata Yéesu bukatutiil min kujow.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 8:9

Bukuluul jilet li buloŋ naboo li bóonowabu booluul, bale loon Buyinumabu Banabaabu bufañumuu, nokoomuu loon mal̥egen Buyinumabu bata Ateemit bumbu min bukine li bukuluul. An abajutumuu Buyinumabu bata Kilisita, anawu ummu alet ata Kilisita.

1 Kata Koolent 15:45

Li mal̥egenamu, Bakiicelabu bonsoon: «Anawu átinaalawu ammuu Adam, labiibil akaan búwuwenum baloŋe», bale Adam ásolaawu okila ammuu Buyinumabu basenemuu buloŋabu.

2 Kata Koolent 1:22

ban li akaan húlangumaasowahu hoola li alolaal, ban li aŋa’ foof Buyinumabu Banabaabu akaan li uyinumawu woololaal, min híis kaanaku mal̥egen fan ubajaal wahawu wan ahahenumuu boot li alolaal.

2 Kata Koolent 3:17

Amaaŋenawu, okila ammuu Buyinumabu Banabaabu, ban tan Buyinumabu bata Amaaŋenawu boom, fan baj to foof kábaaloo.

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Efées 2:18

Li mal̥egenamu, okila ájimuu ololaal foofolaal feh aamaalumuu kusuwif li kaletumuu kusuwif, li uyiliyaal ulohaal Ateemit Atuubaawu, humum hata Buyinumabu banolabu Banabaabu.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 1:19

Li mal̥egenamu, lihaase een wahawu unwumaa feh fan úbanum li kafakaku kúmbaam humum hata ul̥awawu wooluul li kalambenaku kata Buyinumabu bata Yéesu Kilisita kúji.

1 Kata Tesalonik 4:8

Mó mújimuu, an ahoyumuu kulimaku unku, inti an lahoye, bale Ateemit lahoye, asenuulumuu Buyinumabu boola Banabaabu.

1 Fiyeel 1:11

Buyinumabu bata Kilisita li buko bulakowe, ban li bulobiil búkibben mata sílaamasu san Kilisita ammuu li álaam, li mata máyiineniyamu mammuu li múnabul li só. Li kulako huŋes boot min kuhaas taŋayi li waa wommuu li ukaan, nan wahawu wan Buyinumabu bulobiilumuu wommuu li ubaj.

Eleetalayi yan Súd akiicumuu 1:20

Bale bukuluul jammuu kufaalom kan iboolaat, jiwankulenoo li káyinenaku kooluul kanabaaku. Jíl̥awum li Buyinumabu Banabaabu.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.