Kata Galasi 4:14 - Jola-Kasa

¹⁴ Maayeet min eniilayi yúmbaam yásomutumuu ésuumutumuu bajuk, jibesutom ban jihoyutom foof. Bale jiyabonyab loon kama ínje amalaka ata Ateemit leem, loon eenimuu ínje humumom emmuu Yéesu Kilisita.

Kata Galasi 4:14 ပူးပေါင်းရင်းမြစ်များ

Máciya 10:40

— An ayabuulumuu jak, ínje layabe jak, ban an ayabommuu jak, anawu áboñulommuu layabe jak.

Máciya 18:5

Ban an ayabumuu boola jak jiñiil jatit loon unje mata ínje íji, ínje humumom layabe boola.

Máciya 25:40

Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Hulimahu Hásuumaahu loon Lík akiic homuu 10:16

Yéesu li afamen aan kúgoomaku koola: — An ajantenuulumuu, ínje humumom lajantene. An li ahoyuul, ínje humumom lahoye. Ban an ahoyommuu, anawu áboñulommuu lahoye.

Hulimahu Hásuumaahu loon Saŋ akiic homuu 13:20

Li mal̥egenamu fan ilobuul: an ayabumuu boola an an iboñe, ínje humumom foof layabe boola, ban an ayabommuu boola, anawu áboñulommuu foof layabe boola.»

1 Kata Koolent 1:28

Ateemit lal̥ul̥l̥us wahawu wan adunaayi ékaalenumuu, wahawu wan ebesumuu, li wahawu wan eyinoomuu li yoon ubajut jáliŋ, min akajen wahawu wan adunaayi ejokumuu loon wah wabaje jáliŋ.

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

Kata Galasi 3:26

Káyinenaku kooluul li Yéesu Kilisita kújiwuuji li jilako bukuluul foofuul feh bañiil bata Ateemit.

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

Kata Galasi 4:13

Jiwayil̥owe joon kásomut kújiwommuu li ibaj bútin min iwaalewuul Hulimahu Hásuumaahu kátinaalaku.

Kata Galasi 4:15

Kama ésuumahukowayi yooluul yata no inyay? Li mal̥egenamu, ínje liyilo ilob kaanaku jiyiliyeenumuu, fan jíkool̥ul kúkilaku kooluul jisenom.

1 Kata Tesalonik 2:13

Wahawu unwe foof újimuu áloli jikatut kasal Ateemit: nan jilobuulumuu Hulimahu hata Ateemit, li jijanten ho ban jiyabut ho loon hulim hata an, bale jiyayyab ho loon Hulim hata Ateemit, ban li mal̥egenamu Hulim hata Ateemit hoom, mata hunhu li bulok li bukuluul jáyinenumuu li Yéesu.

1 Kata Tesalonik 4:8

Mó mújimuu, an ahoyumuu kulimaku unku, inti an lahoye, bale Ateemit lahoye, asenuulumuu Buyinumabu boola Banabaabu.

Eébulo 13:2

Jakum jimojen kayab bukan booluul. Li mal̥egenamu, kukee li bukuluul kakaan momuu, kuyayyab booliil emalaka buko bahaasut.