Kata Galasi 4:13 - Jola-Kasa

¹³ Jiwayil̥owe joon kásomut kújiwommuu li ibaj bútin min iwaalewuul Hulimahu Hásuumaahu kátinaalaku.

Kata Galasi 4:13 ပူးပေါင်းရင်းမြစ်များ

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Bakaanelabu 16:6

Buyinumabu Banabaabu li buhi’ Fool buko li Silaas kúwaalewum Hulimahu hata Ateemit li etaamayi yata Aasi. Muñeˈe li kújowum li etaamayi yata Filiisi li yata Galasi.

1 Kata Koolent 2:3

Wahawu unwu újimuu, li ibil boot booluul mágootowe ban foof li kateelen ló kata ekole.

2 Kata Koolent 10:10

mata konsoon: «Kulimaku kan alobemuu li sileetalasu soola kútaañitaañi ban li kul̥aal̥ ŋáa’, bale ajowumuu alako li alolaal, let abaj sembe ban balobelabu boola li búyiyeni ŋáa’.»

2 Kata Koolent 11:30

Nokoomuu loon boot min isaloolo, kama fan isaloolo mata búgootowabu búmbaam.

2 Kata Koolent 11:6

Nakee mal̥egen íseeliwut li elob, bale lihahhaas wah. Jikaanuukaan min jihaas wahawu unwu jak li makaane manooman ban li wahoowah feh.

2 Kata Koolent 13:4

Mal̥egen, nan kubaaŋoolumuu li ekuluwaayi lanokoonokoo loon an ágootowe, bale muñeˈe ummu li buloŋ humum hata sembaasu sata Ateemit. Li mal̥egenamu, áloli foof jígootogooto li hujokoolahu hóololi li akila, bale hákiluul, áloli fan jíloŋ li akila li sembaasu sata Ateemit.

Kata Galasi 1:6

Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume» hukee.

Kata Galasi 4:12

Kutiyom liyaakuul, jikaan loon ínje, mata ínje humumom lilanlaañ inokoo loon bukuluul. Bajut no wah wan jitilene lí ínje.

Kata Galasi 4:14

Maayeet min eniilayi yúmbaam yásomutumuu ésuumutumuu bajuk, jibesutom ban jihoyutom foof. Bale jiyabonyab loon kama ínje amalaka ata Ateemit leem, loon eenimuu ínje humumom emmuu Yéesu Kilisita.

Kata Galasi 4:18

Kahanken lajaajak ŋáa’, nokoomuu loon wahawu wájiwuulumuu li jihanken ujaajak. Joote jinaak jihanken nanoonan, bale jakum lako ínje babile booluul bale.