Kata Galasi 3:26 - Jola-Kasa

²⁶ Káyinenaku kooluul li Yéesu Kilisita kújiwuuji li jilako bukuluul foofuul feh bañiil bata Ateemit.

Kata Galasi 3:26 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 1:7

Saŋ li abil boot elob bukanabuku mata mawuŋaamu, bájum bukanabuku feh li kúyinenum li akila.

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

2 Kata Koolent 1:1

Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.

2 Kata Koolent 6:18

Fan ilako atuubawuul, bukuluul li jilako kuñoolom káyine li kanaale.» Amaaŋenawu ata sembe alobe loon muñaˈa.

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

Kata Galasi 4:14

Maayeet min eniilayi yúmbaam yásomutumuu ésuumutumuu bajuk, jibesutom ban jihoyutom foof. Bale jiyabonyab loon kama ínje amalaka ata Ateemit leem, loon eenimuu ínje humumom emmuu Yéesu Kilisita.

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 1:1

Injé Fool, ammuu afootal ata Yéesu Kilisita li húnongum hata Ateemit, ínje ikiiculo eleetalayi inye boot li bukanabuku kata Ateemit [kammuu Efées] ban li kúyinen li Yéesu Kilisita.

Kata Efées 1:5

li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

Kata Efées 5:1

Emmuu bukuluul bañiil joom ban Ateemit aboolaat, kama jikaan loon akila akaanemuu.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Fílib 1:8

Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.

Kata Fílib 2:15

bájum li jilako bukan kan an ayilaat awataten, bukan kajake, bañiil bata Ateemit batilut tanootan hákil bukanabuku kacolutumuu li kajakutumuu kata adunaaye. Joote jiwuŋen hákil bukanabuku umbuku loon siwuutasu sammuu li emitayi.

Kata Kolos 1:4

Jisalesal Ateemit mata jijanjam mata káyinenaku kooluul li Yéesu Kilisita, li mata húbooliyahu han jíboolimuu bukanabuku feh kata Ateemit.

Kata Kolos 2:6

Emmuu jiyayyab Yéesu Kilisita loon Amaaŋenawu ooluul, kama jikatool min acolen buloŋabu booluul.

Filemoŋ 1:1

Injé Fool akul̥imuu mata Yéesu Kilisita áji, ikiice eleetalayi inye íginnoo ló atuyolaal Tímote. Awu Filemoŋ likiiculo yo, ammuu ábukewoli li áfaaloli ata bulok.

Filemoŋ 1:9

bale haŋ majak il̥awi wah li kajawaku kata húbooliyahu, ínje humumom Fool ahallenumee, háŋum muñeˈe nan emmee foof li hukul̥ mata Yéesu Kilisita áji.

Búhiisenumabu 21:7

An ammuu abaj kaheekaku, fan atowo wahawu unwu. Injé fan ilako Ateemit oola, akila li alako añoolom.