Kata Galasi 3:24 - Jola-Kasa

²⁴ Min lako eluwaayi efanfan elako afooyaawu oololaal boot yok nan Kilisita ammuu li abil, mantee káyinenaku koololaal li akila li kújiwolaal li ulakowaal bukan kacole hákil Ateemit.

Kata Galasi 3:24 ပူးပေါင်းရင်းမြစ်များ

Kata Lom 10:4

Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.

Kata Lom 9:30

Muñeˈe boot kama min oonaal buu? Boot min oonaal: bukan kalet kusuwif ban kalakowut huŋes min kulako bukan kacole hákil Ateemit, Ateemit lakaaniikaan kulako bukan kacole hákilool, humum hata káyinenaku kooliil.

1 Kata Koolent 4:15

Mata li mal̥egenamu, maayeet min jibajeene kuliikena koono sínjunne li buloŋabu booluul li Kilisita, bale atuuba ano bale jiyilo jibaj, mata li buloŋabu booluul li Yéesu Kilisita, ínje áŋaluluumuu Hulimahu Hásuumaahu. Injé emmuu atuubawuul.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 2:19

Li ínje, mata eluwaayi, likeeket ban li eluwaayi humum yo líketume, mantee li iyili iloŋ boot li Ateemit. Injé limukoolimukoo li Kilisita li ekuluwaayi.

Kata Galasi 3:25

Muñeˈe nan Yéesu Kilisita áliiŋulumuu min úyinenaal li akila, eluwaayi elaañenut elako afooyaawu oololaal.

Kata Kolos 2:17

Wahawu unwu feh hin élinga yata wahawu wammuu li ebil. Mal̥egenamu mo mummu li Kilisita.