Kata Galasi 3:22 - Jola-Kasa

²² Bale Bakiicelabu bulollob kaanaku adunaayi foof yo feh amiikeel yoom ata kahoofoolaku. Wahawu unwu újimuu kájiyaku kan Ateemit alobumuu kasen, li kuseni káyinenumuu bale, humum hata min kúyinenumuu li Yéesu Kilisita.

Kata Galasi 3:22 ပူးပေါင်းရင်းမြစ်များ

Maak 16:16

An áyinenumuu li Hulimahu Hásuumaahu ban li ábatiiseyi, fan afak; bale an áyinenutumuu, fan ajow li sambun.

Hulimahu Hásuumaahu loon Saŋ akiic homuu 12:46

Injé ammuu mawuŋaamu libiibil li adunaayi, bájum an áyinenumuu lí ínje, let alako li élim.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Bakaanelabu 16:31

Fool buko li Silaas li koonool: — Uyínenumuu li Amaaŋenawu Yéesu, fan ufak boot li butoŋi ló.

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

Kata Lom 11:32

Ateemit lakaakat bukanabuku feh min kuhoy bátuulool, mantee li áhiis káyiyenaku koola bukanabuku feh.

Kata Lom 3:22

Ateemit lajoojok bukanabuku feh káyinenumuu li Yéesu Kilisita bukan kacole hákilool, humum hata káyinenaku kooliil. Lakankaan mo boot li bukanabuku feh káyinenumuu, mata kúbutoolut.

Kata Lom 3:23

Li mal̥egenamu, bukanabuku feh kuhoofoohoofoo, ban mó lí múji lí kúfu’ li máyiineniyamu mata Ateemit.

Kata Lom 5:12

Kahoofoolaku li an ano kúnokenummuu li adunaayi, okila ammuu Adam. Kahoofoolaku li kúŋalul eketayi. Wahawu unwu újimuu eketayi li ego bukanabuku feh, mata bukanabuku feh kukankaan kahoofoo.

Kata Galasi 3:14

Wahawu unwu ujowujow loon muñaˈa bájum kásooniyenaku kan Ateemit alobumuu kasen Abulaham, bukanabuku kaletumuu kusuwif li kuyili kúyabum kó li Yéesu Kilisita, mantee li úyabumaal li káyinen, Buyinumabu ban Ateemit alobumuu kasen.

Kata Galasi 3:17

Wahawu unwe lifañe min ilob: Ateemit lalollob kakaan Abulaham wah, ban lakankaan wo. Nan jowe bajumuu simit síteemeel sibakii li áyii li kuŋen, Eluwaayi li ebil. Mo emmuu kama eluwaayi eyilaat éfulen wahawu wan Ateemit alobumuu kasen.

Kata Galasi 3:23

Eluwaayi efooyolaafooy, tówum taŋayi yata káyinenaku éliiŋul, min kob nan Ateemit ammuu li áhiisen Kilisita, min bukanabuku kúyinen li akila.

Kata Galasi 3:29

Ban nokoomuu loon bukuluul bukan kata Kilisita joom, kama bukuluul jommuu bubukoolumabu bata Abulaham, ban bukuluul jommuu li jiyab wahawu wan Ateemit alobumuu kasen.

2 Tímote 1:1

Injé Fool ammuu afootal ata Yéesu Kilisita li húnongum hata Ateemit áboñulommuu boot kayiiŋen buloŋabu ban alobumuu kasen, ban úbajumaalumuu li hujokoolahu hoololaal li Yéesu Kilisita,

Eébulo 9:15

Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.

2 Fiyeel 1:4

Li wahawu unwu Ateemit ásenumolaamuu wahawu watiineniyaawu ban li uluuk ŋáa’, wan alobumuu kasenolaal, bájum li jiyili jífu’ li kásiibowaku kajakutumuu kammuu li adunaayi inye yakajenumuu, min jíjowum tó jiŋa’ bóonowabu bata Ateemit.

2 Fiyeel 3:13

Fan ukobaal emitayi yawunkulayi li etaamayi yawunkulayi yan Ateemit alobumuu kakaan, dán macole móomi li mubaj.

1 Saŋ 2:25

Ban wahawu wan Kilisita alobumuu kasenolaal, wo wommuu buloŋ bábaneliit.