Kata Galasi 2:20 - Jola-Kasa

²⁰ Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Galasi 2:20 ပူးပေါင်းရင်းမြစ်များ

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 10:11

«Injé emmuu amataawu ajakaawu. Amataawu ajakaawu fan asen buloŋabu boola boot li kúgalalaanaku.

Hulimahu Hásuumaahu loon Saŋ akiic homuu 15:13

Bajut an an húbooliwool huhaŋe hata an asene buloŋool boot li kubukewool.

Hulimahu Hásuumaahu loon Saŋ akiic homuu 17:21

Lil̥awe mantee buko foofiil feh li kulako an ano. Faafa, kujow kulako an ano li alola, loon foof awu ommuu lí ínje, ínjé li éemi li awu. Kujow kulako an ano bájum adunaayi li éyinen kaanaku awu úboñulom.

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:35

Atuubaawu láboolibooli Añiilawu, ban li akat wahawu feh li kuŋenool.

Hulimahu Hásuumaahu loon Saŋ akiic homuu 6:57

Emmuu Atuubaawu áboñulommuu lalonloŋ, ínje li okila líloŋume. Mo foof an ammuu li atokoñom, li áloŋum lí ínje.

Hulimahu Hásuumaahu loon Saŋ akiic homuu 6:69

Ban óloli, jíyinene ban jihaase joon awu ommuu anawu anabaawu ata Ateemit.

Bakaanelabu 8:36

Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [

Bakaanelabu 9:20

Li ayaan anaak awaale li siluufasu sata kal̥awaku sata kusuwifaku aan Yéesu ammuu Añiilawu ata Ateemit.

Kata Lom 1:17

Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»

Kata Lom 14:7

Li mal̥egenamu, bajut an li alolaal áami li buloŋ boot li akila humumool, ban bajut an akete boot li akila humumool.

Kata Lom 3:22

Ateemit lajoojok bukanabuku feh káyinenumuu li Yéesu Kilisita bukan kacole hákilool, humum hata káyinenaku kooliil. Lakankaan mo boot li bukanabuku feh káyinenumuu, mata kúbutoolut.

Kata Lom 4:25

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Kata Lom 5:2

Li Yéesu Kilisita foof lúbajumaalumuu kájiyaku dán Ateemit akaanolaamuu li kabane humum hata káyinenaku koololaal. Wahawu wakaanewolaamuu ésuumansuum, wo wommuu kákangumaku kan ubajaalumuu kata min ulakowaal li máyiineniyamu mata Ateemit.

Kata Lom 5:6

Li mal̥egenamu, nan ubajeenutaalumuu sembe, Kilisita li aket boot li alolaal jafañeenutaalumuu Ateemit, nan taŋayi yan Ateemit ajokumuu éliiŋumuu.

Kata Lom 5:8

Bale muñeˈe Ateemit áhiisolaalumuu buu lafañolaalumuu eeno: Kilisita lakeeket boot li alolaal, ban no unnu alolaal baloŋaale kuhoofoola.

Kata Lom 6:13

Jakum jiŋa’ wah wata eniilayi yooluul min jinaak jikaan kahoofoo loon eenimuu wah wata boot kakaan majakut. Jisenoolo min jilok boot li Ateemit loon bukan kayitowumulo li eketayi kubil koono li buloŋ. Jisenoolo foofuul feh boot kakaan wah wacole boot li Ateemit.

Kata Lom 6:8

Nokoomuu loon luketoolaaketoo li Kilisita, lúyinenaale kaanaku fan uloŋaal foof li akila.

Kata Lom 8:10

Maayeet min Kilisita áami li bukuluul, eniilayi yooluul yo manooman fan eket humum hata kahoofoolaku, bale Buyinumabu bo busenuusen buloŋ humum hata min Ateemit ajokuulumuu bukan kacole hákilool.

Kata Lom 8:37

Bale li wahawu unwumaa feh, li uhaŋaal mabaj kaheek kabilumulo li Kilisita ábooliwolaamuu.

1 Kata Koolent 6:17

Bale an asenoolomuu boot li Amaaŋenawu, li kulako an ano li buyinum.

2 Kata Koolent 1:24

Alóli jilet li huŋes min jituuŋuul min jíyinen li wahawu wan áloli jifañumuu min bukuluul jíyinen li wo, mata káyinenaku kooluul kuliilit, bale jifañe min jílokum dín dáno li bukuluul boot li ésuumahukow yooluul.

2 Kata Koolent 10:3

Mal̥egen, áloli bukan bale joom, bale jíloŋoliit loon bukanabuku kata adunaayi inye kuloŋemuu.

2 Kata Koolent 11:10

Boot min ílobum li mal̥egenamu mata Kilisita ammuu lí ínje een: bajut an áami li áhilom ísaloolowum li halaabahu feh hata etaamayi yata Akaay.

2 Kata Koolent 13:3

mata kama bukuluul huŋes jóomi li hó, wahawu wammuu li úhiisuul kaanaku Kilisita álobume lí ínje. Kilisita ágootowut li bukuluul, bale láhihhiis sembaasu soola li bukuluul.

2 Kata Koolent 13:5

Bukuluul humumuul joote jijukeloolo min jijuk mantee jíloŋe li káyinenaku. Bale waa, jihaasut fíle joon Yéesu Kilisita ummu li bukuluul? Mantee yo yommuu kama bukuluul jiyilaat jíhiis kaanaku jíyinenyinen.

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

2 Kata Koolent 5:15

Lakeeket boot li bukanabuku feh, jakum bil bukanabuku kammuu li buloŋ kuloŋ boot li buko humumiil, bale min kuloŋ boot li anawu aketumuu ban li ayitowumul li eketayi boot li buko.

2 Kata Koolent 5:7

mata li káyinenaku lúloŋumaale, bale inti li wahawu wan ujukaalemuu.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 3:11

Lollob jak kaanaku eluwaayi eyilaat éji an li aani lacoccol hákil Ateemit, mata Bakiicelabu bonsoon: «Anawu acolumuu hákil Ateemit, fan áloŋum li káyinenaku koola.»

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Galasi 6:14

Injé, ifañut min isaloolo mata wah ukee wábute li eketayi yan Amaaŋenawu oololaal Yéesu Kilisita aketumuu li ekuluwaayi. Mata lí ínje, adunaayi ekeeket li ekuluwaayi. Ban li adunaayi foof, ínje likeeket li ekuluwaayi.

Kata Efées 3:17

Lil̥awel̥aw loon muñaˈa, mantee Kilisita li akin li uyinumawu wooluul mata káyinenaku kooluul li akila kúji. Lil̥awe mantee li jibaj kuhaa’ kalite li húbooliyahu hooluul ban li jilit li ho,

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Efées 5:25

Káyinaabuku koote kúbooli kuseekiil, loon Kilisita áboolimuu Ejanguwayi ayok aket boot li yo,

Kata Fílib 1:21

Li mal̥egenamu, ínje buloŋabu bo bommuu Kilisita, eketayi hubaj húmbaam.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Kolos 1:27

Ateemit lakankaan mo, mata lafanfañ min áhiis bukanabuku koola, majakamu mata wahawu woola wahaasutimuu, li máyiineniyamu mata wo boot li bukanabuku feh. Wahawu unwu wahaasutimuu wo wommuu: Kilisita ummu li anoowan li bukuluul, ban li akaanuul jíkangum kaanaku, fan jilako li máyiineniyamu mata Ateemit.

1 Kata Tesalonik 1:10

Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

1 Kata Tesalonik 5:10

Mata Kilisita lakeeket boot li ololaal, bájum, ulakowaal li buloŋ mantee foof li uketaal, li úloŋumaal li akila nan ammuu li abil.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 8:3

Li mal̥egenamu, álamba áamak anoowan lakaanikaan to boot kasen busuuhen li kakaan kasila, wahawu unwu újimuu álambaawu oololaal áamakawu laate foof abaj wah wan aate asen.

1 Fiyeel 1:8

Yéesu Kilisita an jíboolimuu bukuluul bajukutool, li jíyinen li akila maayeet min jijukolutoomuu, okila ájimuu li jibaj ésuumansuum yan an ayilaat alob mata yo, ban li éyiineni,

1 Saŋ 1:7

Bale nokoomuu loon luloŋaaloŋ buloŋ bata li mawuŋe loon Ateemit humumool ammuu li mawuŋe, muñeˈe no unnu lujamoolaajamoo ban húsimahu hata Añoolool Yéesu, fan hufos uhoofoolawu woololaal feh.

1 Saŋ 4:14

Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 3:20

Ujanten, ínje umme min iyitowe tin kámbiilaku min ikonkongen. An ajamumuu hulimahu húmbaam ban li ábabul kámbiilaku, fan inoken boola min jitiñ dín dáno fóofoli kúl̥uba.