Kata Galasi 1:7 - Jola-Kasa

⁷ Li mal̥egenamu, «hulim hásuume» hakee hubajut, bale lilobuulob loon muñowu mata baje bukan káami li kalillimenuul, min kufañ kutiiw Hulimahu Hásuumaahu hata Kilisita.

Kata Galasi 1:7 ပူးပေါင်းရင်းမြစ်များ

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

Bakaanelabu 15:24

Jijanjam kaanaku kukee li óloli, kubiibil kulillimenuul, min kúguuhuul uyinum li kulimaku kooliil. Bale inti óloli jiboñuliil.

Bakaanelabu 20:30

Fan baj maayeet li bukuluul bukan káami li kunaak kúmal, min kuñak kúgoomaku kunab li buko.

2 Kata Koolent 11:13

Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

Kata Galasi 1:6

Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume» hukee.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

Kata Galasi 4:17

Bukanabuku umbuku kumelowuumelo, ban li koono li kahanken mantee li kúñakuluul jilaañ booliil. Bale uyinoolawu wooliil ujakut. Wahawu wan kufañumuu bale, wo wommuu min kutiilooluul lí ínje mantee li jiluukeniil.

Kata Galasi 5:10

Injé libabbaj kákangum li bukuluul li Amaaŋenawu kaanaku let jibaj kayinoo kakee kábute li kúmbaam. Bale anawu águul̥emuu li bukuluul, aano min aano, Ateemit fan atekool.

Kata Galasi 5:12

Bukanabuku kammuu li kalillimenaku kooluul, lifañeene kama min kujow kukaan min kukeekiil foof!

Kata Galasi 6:17

Muñeˈe hunakahu hata síyaat, jakum bil an alaañen alillimenom; mata káakumaku kata sílaamasu sata Yéesu, kunku li eniilayi yúmbaam.

2 Tímote 2:18

Kukaakat bo mal̥egenamu, min koon kayitowulaku li eketayi kubaje kuban. Muñowu kukaanumuu min kúhoolul káyinen kata bukan kameeŋe.

1 Saŋ 2:26

Bukanabuku kafañumuu kabuntuul kújimuu li ikiiculuul wahawu unwu.

1 Saŋ 4:1

Kutuyom kan iboolaat, jíkaanum jakum jíyinen bukanabuku feh kaanemuu Buyinumabu bata Ateemit kooke. Bale jinaak jiyoob bukanabuku umbuku min jijuk mantee buyinumabu ban kookumuu li Ateemit bubilumulo. Mata bukan kameeŋe kámale koon kufulofet koom, kúfululo muñeˈe kóomi tanootan li adunaayi.

2 Saŋ 1:10

Nokoomuu loon an abile atookuul ban aliikenutuul nab li baliikenelabu umbu bata Kilisita, jakum jiyabool booluul, ban jakum foof jisaafool.

2 Saŋ 1:7

Kúmalamiñ kameeŋe kuyiisoole kujow koono tanootan li adunaayi. Kuhoohoy koon Yéesu Kilisita labiibil min alako mal̥egen an. An loon muñaˈa okila ammuu ámalamiñ. Okila ammuu Alatoolaawu ata Kilisita.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.

Búhiisenumabu 2:2

Lihaase wahawu wan ukaanumuu. Lihaase buu lulokumuu súf, li buu luhankenumuu eeno min úmuñ. Lihaase een uyilaat úmuñ bukanabuku kál̥afutumuu. Luŋeŋŋes min uhaas mantee bukanabuku kaanumuu buko kufootal koom mal̥egen, ban luhaase oon kulet kufootal. Lujuujuk kaanaku kúmammal.

Búhiisenumabu 2:20

Bale libaje wah wan eete iwatateni mata wo: lukaakat anaalaawu an koonemuu Jesabel, ámalemuu aan afulofet laam, min ájimen kulokaabuku kúmbaam. Li kulimaku kan aliikenemuu ésukayi labuntumiilumuu min kunaak kúfulo bo muñaˈa, li kunaak kutokoñ eliw yata sínuukuleŋ sawaaseni.

Búhiisenumabu 2:6

Bale wahawu unwe lísalumimuu: min uhoyumuu makaanelamu mata Enikolayitayi loon ínje humumom ihoy momuu.

Búhiisenumabu 20:3

Nan ajenk yomuu aban li aŋa’ yo abeten li buwokaayabu básenkiyaabu ban li abab min akul̥ yo lit alaañen dó. Lakankaan mo, jakum bil éjunfuulayi eyili ebunt bukanabuku kata sihetasu feh boot yok nan simitasu énjunne sommuu li siban. Fúlum tómuu, fan kúl̥el̥ul yó min elako to fan jatit.