Mal̥egen ánayinaawu li ayaan ayito hákil ésukayi feh, min aŋa’ bukal̥abu boola min ajow áfu’. Bukanabuku feh li kusego ban li kunaak kusal Ateemit koon: — Ujukulelutaal wah loon muñowu!
Bukanabuku kalako tomuu feh li kúkoli. Li kunaak kusal Ateemit koon: — Afulofet áamak láfululo li alolaal. Li koon foof: — Ateemit labile kalamben bukanool.
Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»
Mín súumiilumuu li majakamu mata bulokabu booluul, mo kusalumuu Ateemit mín jítuulumuu Hulimahu Hásuumaahu hata Kilisita loon jilobemuu. Fan kusal foof Ateemit mata másuumamu mooluul li kagaboolaku kan jigaboomuu wahawu wooluul li buko li kaabuku feh.
Li hunakahu unhu nan ammuu li abil, bukanabuku koola fan kúbinkenool, ban káyinenumuu li akila feh li kúgaalenool. Bukuluul humumuul fan jilako li bukanabuku umbu, mata jíyinenyinen li hulimahu han áloli jiwaalewuulumuu.
Muñowu bukuluul jommuu li jíji kajawaku kata Amaaŋenawu oololaal Yéesu li kúbinkeni, ban okila humumool foof li ábinkenuul. Wahawu unwu feh ubilumbilum li kájiyaku kata Ateemit oololaal li kata Amaaŋenawu Yéesu Kilisita.
