Kata Galasi 1:22 - Jola-Kasa

²² Bukanabuku káyinenumuu li Kilisita kata sijanguwasu sammuu li etaamayi yata Súde kuhaasutom li buul.

Kata Galasi 1:22 ပူးပေါင်းရင်းမြစ်များ

Bakaanelabu 9:31

Muñeˈe bukanabuku feh káyinenumuu li Yéesu, li kubaj kásuumaay li etaamayi feh yata Súde, li yata Gálile, li yata Samali. Li kuhaŋ malit li káyinenaku, ban li kútuul Amaaŋenawu. Li kunaak kuhaŋ mameeŋ kuyinno bo li búkaanum bata Buyinum Banabaabu.

Kata Lom 16:10

Jisaafom Afeles, áhiisumuu kaanaku láyinenyinen li mal̥egen li Kilisita. Jisaafom bukanabuku feh kammuu li eluufayi yata Alísitobilis.

Kata Lom 16:3

Jisaafom Filisila buko li Akilaas kammuu kufaalom kuloka boot li Yéesu Kilisita.

Kata Lom 16:7

Jisaafom Andolonik buko li Suniyaas kammuu bukanom li kufaalom foof kan jilakomuu li hukul̥. Koonosoono buko kúl̥uba bukan káamak li kufootalaku. Kujandom kúyinen li Yéesu Kilisita.

Kata Lom 16:9

Jisaafom Ilibeŋ ammuu áfaaloli aloka boot li Amaaŋenawu, buko li Sitakis an íboolimuu ŋáa’.

1 Kata Koolent 1:30

Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.

1 Kata Koolent 7:17

Fúlum tomuu li wahawu unwu feh, jijok li hulimahu han ilobemuu bukanabuku li sijanguwasu feh. Hulimahu unhu ho hommuu: anoowan laate alako loon Amaaŋenawu akaanoolumuu, loon alakomuu nan Ateemit ahooñoolumuu.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

1 Kata Tesalonik 1:1

Injé Fool, famen to Silibeŋ. Kájiyaku li kásuumaayaku kata Ateemit kujow kulako li bukuluul.

1 Kata Tesalonik 2:14

Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.

2 Kata Tesalonik 1:1

Injé Fool, famen to Silibeŋ.