Kata Galasi 1:15 - Jola-Kasa

¹⁵ Bale Ateemit, li kájiyaku koola lal̥usumom ítowum ibuki, ban li ahooñom boot bulok boot li akila.

Kata Galasi 1:15 ပူးပေါင်းရင်းမြစ်များ

Máciya 11:26

Mal̥egen, Atuubawom lisalisal, mata li húfañum huya lúkaanum mó.

Hulimahu Hásuumaahu loon Lík akiic homuu 10:21

No unnu, ésuumansuum li elako li Yéesu li búkaanum bata Buyinumabu Banabaabu, li aan: — Lisali Ateemit Atuubawom, awu ammuu Amaaŋenawu ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu. Mal̥egen, Atuubawom lisalisal, mata li húfañum huya lúkaanum mó.

Bakaanelabu 13:2

Li líiŋ hunak hakee, buko balakowe kal̥aw Amaaŋenawu li kamommo ló, Buyinumabu Banabaabu li booniil: — Jikaanom li kakaŋ Balunabaas buko li Sóol boot li bulokabu ban ihooñiilumuu boot min kukaan.

Bakaanelabu 9:15

Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

Kata Lom 8:30

Bukanabuku kan Ateemit al̥usumuu yaan no, lahooñiihooñ foof. Bukanabuku kan ahooñumuu, lakaaniikaan foof kulako bukan kacole hákilool. Bukanabuku umbuku kan akaanumuu kulako bukan kacole hákilool, lakaanikaan foof kulako li máyiineniyamu moola.

Kata Lom 9:24

Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif.

1 Kata Koolent 1:1

Injé Fool ahooñimuu boot kalako afootal ata Yéesu Kilisita li húnongumahu hata Ateemit, li atuyolaal Sosuten, áloli jikiiculo eleetalayi inye.

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

1 Kata Koolent 1:24

Bale bukanabuku kan Ateemit ahooñumuu, lako Kusuwif mantee foof kaletumuu kusuwif, li buko Kilisita ammuu sembaasu sata Ateemit, ban li áami foof bújallowabu bata Ateemit.

1 Kata Koolent 1:9

Ateemit alobemuu aban li átuk tó, okila ahooñuulumuu min jibaj hujamoo li Añoolool Yéesu Kilisita ammuu Amaaŋenawu oololaal.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

Kata Galasi 1:1

Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi.

Kata Galasi 1:6

Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume» hukee.

Kata Efées 1:5

li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

Kata Efées 1:9

Lakaanolaakaan min uhaasaal wahawu wan afañumuu min akaan, wan uhaaseenutaalumuu. Lajoojok kaanaku fan ákaanum wo li Kilisita loon súumoolumuu.

Kata Efées 3:11

Wahawu unwu unaboonaboo li wahawu wan Ateemit afimmuu min ayinoole kakaan tówum ajuul̥ adunaayi, ban li ákaanum wó lí Yéesu Kilisita ammuu Amaaŋenawu oololaal.

2 Tímote 1:9

Akila humumool afakenolaalumuu, ban li ahooñolaal boot ubil ulakowaal bukan koola. Ban min akaan momuu, inti eeniseen bakaanelolaal bújiye, bale okila humumool ayinoo mo ban li asenolaal li kájiyaku koola. Li Yéesu Kilisita lásenumolaamuu kájiyaku unku tówum adunaayi ejuul̥i,

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.