Kata Fílib 3:18 - Jola-Kasa

¹⁸ Lilobeenuul mo iban ñameeŋe, ban boot min ilaañen ilobuul mo muñeˈe li jíl̥ok ló: baje bukan kameeŋe kaloŋe loon kulatoola koom kata ekuluwaayi yata Kilisita.

Kata Fílib 3:18 ပူးပေါင်းရင်းမြစ်များ

Hulimahu Hásuumaahu loon Lík akiic homuu 19:41

Nan Yéesu alehenumuu Yeelusalem, ajow aŋanden yo, li al̥ok mata yo,

Bakaanelabu 20:19

Liloolok boot li Amaaŋenawu.

Kata Lom 9:2

Buyinaabu bammuu lí ínje bululluuk ŋáa’, jilum jayilaat jiban jóomi li buyinumabu búmbaam.

1 Kata Koolent 1:18

Li mal̥egenamu, kawaaleyaku kata eketayi yata Kilisita li ekuluwaayi, kulakolako bul̥uuhoo boot li bukanabuku kammuu li ejow li sambun, bale alolaal jaamaalumuu li bútinabu bata kafakaku, kawaaleyaku unku laalu sembaasu sata Ateemit.

1 Kata Koolent 6:9

Kama jihaasut joon bukanabuku kakaanemuu majakut let kunoken li Jáyiiyaju jata Ateemit? Jakum jibuntoolo: káfulowemuu li aletalet, kamanenemuu kuteemit kalet mal̥egen, kahintowemuu li bukan kan kuyabowut, kánayinaabuku kahintenemuu kufaaliil kánayine,

2 Kata Koolent 11:13

Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom.

2 Kata Koolent 11:29

An ágootomuu, ínje humumom foof li ígooto. An alomuu li kahoofoo, fan séngiwom kata láala ŋáa’.

2 Kata Koolent 2:4

Li mal̥egenamu, li muhuu ló likiiculuumuu mata ínje ummu li sílaam sáamak ban buyina báamak bookom. Let mantee min ikiiculuumuu boot kakaanuul buyina, bale boot min íhiisuul buu líbooliwuulumuu ŋáa’.

Kata Galasi 1:7

Li mal̥egenamu, «hulim hásuume» hakee hubajut, bale lilobuulob loon muñowu mata baje bukan káami li kalillimenuul, min kufañ kutiiw Hulimahu Hásuumaahu hata Kilisita.

Kata Galasi 2:14

Bale nan ijukumuu kaanaku kunabut col li mal̥egenamu mata Hulimahu Hásuumaahu, li ilob Fiyeel bújooŋoo hákil ésukayi feh eenool: «Awu jafane ommuu asuwif, uloŋumuu loon kaletumuu kusuwif kuloŋemuu búti li baloŋelabu bata kusuwifaku, buu loote uban li uyili utuuŋ kaletumuu kusuwif kuloŋ loon kusuwifaku kuloŋemuu?»

Kata Galasi 2:21

Ilet li ihoy kájiyaku kata Ateemit. Li mal̥egenamu, nokoomuu loon li eluwaayi an áami li ájowum min eeni lacoccol hákil Ateemit, kama Kilisita lakeeket boot maayiiñ.

Kata Galasi 5:21

kásiibo wah, kákaliyenoo, kawuuhen, li wahawu feh wanokoomuu li wo. Boot min ilobuul ikat to, loon ilobeenuulumuu, bukanabuku kakaanemuu wahawu unwu, let kutowo Jáyiiyaju jata Ateemit.

Kata Galasi 6:12

Bukanabuku kafañumuu min kutuuŋuul jitey búkut aketumuu li ekuluwaayi.

Kata Galasi 6:14

Injé, ifañut min isaloolo mata wah ukee wábute li eketayi yan Amaaŋenawu oololaal Yéesu Kilisita aketumuu li ekuluwaayi. Mata lí ínje, adunaayi ekeeket li ekuluwaayi. Ban li adunaayi foof, ínje likeeket li ekuluwaayi.

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

Kata Fílib 1:4

Lil̥awel̥aw nanoonan boot li bukuluul feh, ban lil̥awel̥aw li ésuumansuum ló,

1 Kata Tesalonik 4:6

Mo emmuu, jakum an abunt atuyool, jakum foof ágecool li wahoowah. Loon jilobuul nomuu ban li jilaañen jilobuul mo, Amaaŋenawu fan atek bukanabuku feh kakaanemuu loon muñaˈa.

2 Kata Tesalonik 3:11

Alóli jilobuulob mo mata jijanjam kaanaku kukee li bukuluul kufañut bulok, min laññiil li kanoken li silob satookutiil.

2 Fiyeel 2:10

háŋum bukanabuku kanabemuu li kásiibowaku kasetutumuu kata bóonowabu booliil, min kubes huhaanaahu hata Ateemit. Bukanabuku umbuku kúkangumoolokangumoolo, li kutebenoolo, ban kúkoliwut bagel búwuwenumabu báyiineniyaabu;

Eleetalayi yan Súd akiicumuu 1:13

Bakaanelabu booliil basuuneniyaabu bunokoonokoo li ñikon ñan kulambaj kata hal hatiñe kúbetenulo. Li kunokoo foof li siwuutasu sammuu li emitayi saliijoole bomuu muñaˈa. Ateemit lacookoole tan sommuu silako akat to li élimayi yáamakayi boot nanoonan.