Kata Fílib 2:30 - Jola-Kasa

³⁰ mata lalakoweene li aket boot mata bulokabu bata Kilisita. Lalakoweene li asen buloŋool min alambenom li wahawu wan bukuluul humumuul jiyilaatumuu jikaan boot lí ínje.

Kata Fílib 2:30 ပူးပေါင်းရင်းမြစ်များ

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Kata Lom 16:4

Kulakolako li kuket min kufakenom buloŋ. Let ínje balewom eete isaliil, sijanguwasu feh sata bukanabuku kaletumuu kusuwif foof soote sisaliil.

1 Kata Koolent 15:53

Li mal̥egenamu, wahawu wakajenemuu woote ulako wah wákajeneliit, wahawu waketemuu li ulako wah wáketeliit.

1 Kata Koolent 16:10

Tímote abilumuu, li jikaan wahoowah jakum abaj kákoli kanookan booluul. Ummu li bulok boot li Amaaŋenawu loon ínje.

1 Kata Koolent 16:17

Súumonsuum ŋáa’ li ebilayi yata Sitefaan, Folitiin li Akayikis. Nan ijukiilumee, bukuluul foof lijuke jalet tomuu.

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 4:12

Muñowu eketayi yommuu li bulok li áloli, buloŋabu bo li bóomi li bulok li bukuluul.

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Fílib 2:27

Li mal̥egenamu, lásomutensomut ajow alako li aket, bale Ateemit láyiyenooyiyen, ban inti okila bale láyiyene, bale ínje foof láyiyene jakum bil ibaj buyina bahaŋ maluuk.

Kata Fílib 4:10

Libabbaj ésuumansuum yáamak ban lisale Amaaŋenawu, mata jikite jilaañen jiyinoolul múmbaam. Li mal̥egenamu, jiyinooleyinoo múmbaam bale jibajut bútin min jíhiisom kaanaku jiyinoolewonyinoo.

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

Filemoŋ 1:13

Lifañeene min ítukool eeken téetiwom, min akaanom wahawu wan awu ooteenumuu ukaanom, láale dán emmee li hukul̥ mata Hulimahu Hásuumaahu húji.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.