Eleetalayi yan Súd akiicumuu 1:7 - Jola-Kasa

⁷ Jiwayil̥o foof bukanabuku kata Sodom, li kata Gomool li kata sísuk saasu sakooj somuu, kunaake kúkaanikoomuu foof loon kumalakaabuku umbuku. Kunaanaak kúfulo bó muñaˈa, yok loon ánayine li uhinten afaalool ánayine. Kubaje katek li sambunasu sáhokoweliitumuu, min lako búhiisenum boot li alolaal foofolaal feh.

Eleetalayi yan Súd akiicumuu 1:7 ပူးပေါင်းရင်းမြစ်များ

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 11:24

Mó mújimuu fan eenuul, li hunakahu hata batiibabu, Ateemit fan atiibuul haŋ mátaañi kata Sodom.

Máciya 25:41

«Fúlum tómuu, áyiiyawu fan abil aan bukanabuku kammuu kaŋenool kamay: “Jíloyiyom, bukuluul jan Ateemit ajokumuu bukan kajakut! Jijow li sambunasu sáhokoweliitumuu, sakaanimuu boot li Sayitaane li kumalakaaku koola!

Hulimahu Hásuumaahu loon Lík akiic homuu 17:29

Bale hunakahu nan Lot áfululumuu Sodom, Ateemit li ábetenumul li emitayi sambun li batolok básoyiye ŋáa’ sibil simuk bukanabuku feh.

1 Kata Koolent 6:9

Kama jihaasut joon bukanabuku kakaanemuu majakut let kunoken li Jáyiiyaju jata Ateemit? Jakum jibuntoolo: káfulowemuu li aletalet, kamanenemuu kuteemit kalet mal̥egen, kahintowemuu li bukan kan kuyabowut, kánayinaabuku kahintenemuu kufaaliil kánayine,

2 Kata Tesalonik 1:7

ban bukuluul jammuu li sílaam fan asenuul kayool̥o, li áloli foof. Fan akaan wahawu unwu nan Amaaŋenawu koola ló kata sembe.

2 Kata Tesalonik 1:8

Yéesu fan abilum li húlaañaañ hata sambun, boot katek bukanabuku kahaasutumuu Ateemit ban li kuhoy bakaan loon Hulimahu Hásuumaahu hata Amaaŋenawu oololaal Yéesu hulobumuu.

2 Fiyeel 2:2

Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.

2 Fiyeel 2:6

Ateemit li atek ésukayi yata Sodom li yata Gomool, ban li aleemen so li sambun, min aŋa’ so akaan bukittenoolum bata wahawu wammuu li ubil ubaj bukanabuku kaatutumuu kubil kúkoli Ateemit.

2 Fiyeel 3:7

Emitayi inye li etaamayi inye, so, Hulimahu hanolahu hata Ateemit hukaakat so to boot bil li hunakahu nan kulatoolaaku kata Ateemit kommuu li kutiibi min kubaj katek boot nanoonan. Hunakahu unhu, emitayi li etaamayi fan siniileni li sambun.