Eleetalayi yan Súd akiicumuu 1:24 - Jola-Kasa

²⁴ Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Eleetalayi yan Súd akiicumuu 1:24 ပူးပေါင်းရင်းမြစ်များ

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 5:12

Esúumahukow yáamak elako li bukuluul, ban li jíbaaloo, mata bacaamabu booluul fan buluuk ŋáa’ li emitayi. Mata li mal̥egenamu, muñaˈa kunaake kúlaamenumuu kufulofetaku kalako to nomuu tówum bukuluul.

Hulimahu Hásuumaahu loon Lík akiic homuu 9:26

Li mal̥egenamu, an asuuwommuu ban li asuu kulimaku kúmbaam, ínje Añool-An fan isuuwool, nan emmuu li ibil li máyiineniyamu múmbaam, li mata Atuubaawu, li mata kumalakaaku kanabaaku.

Kata Lom 14:4

Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.

Kata Lom 8:31

Waa lóomi li ulobaal ufamenaal li wahawu unwu? Nokoomuu loon Ateemit boololaal lalaañe, ayi ayilo aŋiiŋo hákilolaal?

2 Kata Koolent 11:2

Lifañuufañ ŋáa’ gay ifañut min jitahaay li an loon Ateemit humumool afañuulumuu ban afañut min atahaay li an. Anáyine ano lisenuul alako afañooluul. Okila ammuu Kilisita, ban lifañe min iŋaluul íhiisool loon ásungute ahaasut ánayine.

2 Kata Koolent 4:14

mata áloli jihaase joon Ateemit layitenuuyitenul Amaaŋenawu Yéesu li eketayi, ban fan áyitenumuloli foof li eketayi li Yéesu ló, min ákaanoli jilako tin tano li akila li bukuluul ló.

2 Kata Koolent 4:17

Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.

Kata Efées 3:20

Ateemit layilo akaan wah wahaŋe ŋáa’ wahawu wan ul̥awaalemuu li wan uyinoolaalemuu, ban lákaanumekaan wo li sembaasu soola sammuu li bulok li uyinumawu woololaal.

Kata Efées 5:27

Lakankaan loon muñaˈa mata lafanfañ min aŋa’ Ejanguwayi áhiisoolo akila humool, loon anaale li matiineniyamu moola feh, mabajut humaw, mañootoolut, ban matilut foof tanootan, mantee li elako Ejangu yanabe, yan an ayilaat ajuk wah wajakut li yo.

Kata Kolos 1:22

Bale muneˈe Ateemit lájowunjowum li eketayi yata eniilayi yata Añoolool, min akaanuul jijamoo li akila humumool. Lakankaan mo mantee li abil akaanuul jiyito hákilool manabe, maakut butila banooban ban an let ayili alob majakut aya li bukuluul.

Kata Kolos 1:28

Akila lulobaalemuu moola bukanabuku feh. Li unaak usaabaal ban li uliikenaal anoowan feh li bújallo ló banooban, bájum li úŋalulaal anoowan feh manokoole loon Kilisita li wahoowah feh.

Kata Kolos 3:4

Kilisita ammuu buloŋabu booluul. Muñeˈe nan ammuu li álaŋul, no unnu bukuluul foof fan jílaŋoolul li akila li máyiineniyamu.

2 Tímote 4:18

Amaaŋenawu fan afakenom foof li majakut manooman, ban fan akaanom inoken li Jáyiiyaju.

Saak 2:10

Mata nokoomuu loon an akaane loon siluwa saasu silobumuu ban li atil li eluwa yano bale, anawu ummu latittil li siluwa saasu feh.

1 Fiyeel 4:13

Bale emmuu jumbuku ló li sílaamasu sata Kilisita, ésuumansuum yoote kama elako li bukuluul, bájum li jibaj foof ésuumahukow yáamak nan Kilisita ammuu li áhiis máyiineniyamu moola bukanabuku feh.

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.

Eleetalayi yan Súd akiicumuu 1:21

Jilako li húbooliyahu hata Ateemit min jikob hunakahu nan Amaaŋenawu oololaal Yéesu Kilisita ammuu ásenuul buloŋabu bábaneliitumuu, mata kabonketaku koola kúji.

Búhiisenumabu 14:5

Kulim kata émalimiñ kúfulumuloot li utumiil. Kubajut butila banooban.