Eleetalayi yan Súd akiicumuu 1:21 - Jola-Kasa

²¹ Jilako li húbooliyahu hata Ateemit min jikob hunakahu nan Amaaŋenawu oololaal Yéesu Kilisita ammuu ásenuul buloŋabu bábaneliitumuu, mata kabonketaku koola kúji.

Eleetalayi yan Súd akiicumuu 1:21 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 1:17

mata Ateemit li Móyiis lásenumolaal eluwaayi.

Hulimahu Hásuumaahu loon Saŋ akiic homuu 14:21

«An aŋa’muu kulimaku kúmbaam akaan li buyinumool, ban li aloŋ loon kulobumuu, anawu ummu afañommuu. Atuubawom fan afañ anoowan afañom. Injé humumom fan ifañool, ban fan ikaanool min ahaasom.»

Bakaanelabu 11:23

Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.

Kata Lom 5:21

Mó mújimuu, loon kahoofoolaku kubajumuu sembe min kújiwolaal li unaak uketaal, mo foof kájiyaku kata Ateemit kubajumuu sembe min kújiwolaal li ulakowaal bukan kacole hákilool, min ubajaal buloŋ bábaneliit babilumulo li Yéesu Kilisita ammuu Amaaŋenawu oololaal.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Kata Lom 8:39

let sata wahawu wammuu haatiya, let foof sata wammuu li etaam, let búwuwenum banooban. Wahawu unwumaa feh uyilaat úgaatuloololaal li húbooliyahu hata Ateemit, han áhiisummuu li Yéesu Kilisita ammuu Amaaŋenawu oololaal.

2 Kata Tesalonik 3:5

Amaaŋenawu ajow akaan min jíbooli Ateemit li uyinumuul, ban li akatuul húmuñahu han Kilisita asenemuu.

1 Tímote 1:2

ínje ikiiculo eleetalayi inye boot li awu Tímote, ammuu añoolom ata mal̥egen li káyinenaku: Ateemit atuubaawu li Yéesu Kilisita ammuu Amaaŋenawu oololaal, kujow kuseni káji, kabonket li kásuumaay.

2 Tímote 1:16

Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

2 Tímote 1:2

ínje ikiiculo eleetalayi inye boot li awu Tímote ammuu añoolom an iboolaatumuu: Ateemit Atuubaawu li Yéesu Kilisita ammuu Amaaŋenawu oololaal kujow kuseni káji, kabonket li kásuumaay.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

2 Fiyeel 3:12

Bukuluul jumbuku li kakob min Hunakahu hata Ateemit húliiŋ, ban joote jikaan manooman min húliiŋul cab. Hunakahu unhu emitayi yommuu li ésulo ejow eleem mootoj, min wahawu wáami lómuu ubuuwo li hásufaahu hata sambunasu.

1 Saŋ 4:16

Ban ololaal luhaasaahaas húbooliyahu han Ateemit abajumuu li ololaal, ban lúyinenaayinen lí hó. Ateemit húbooli laam. An áamimuu nanoonan li húbooliyahu, anawu ummu, ummu nanoonan li Ateemit ban Ateemit ummu nanoonan li akila foof.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.

1 Saŋ 5:21

Kuñoolom, jíkaanum kuteemitaku kaletumuu mal̥egen.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.

Eleetalayi yan Súd akiicumuu 1:22

Jíyiyen bukanabuku káwettoolemuu.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.