Hulimahu Hásuumaahu loon Saŋ akiic homuu 4:36 - Jola-Kasa

³⁶ Anawu ammuu li ecacayi layaane ayab bacaamool aban, ban li awoogen káhanjiinaku boot li buloŋabu bábaneliitumuu. Mo emmuu, anawu al̥ukemuu li anawu acacemuu fan kubaj ésuumahukow li mano.

Hulimahu Hásuumaahu loon Saŋ akiic homuu 4:36 ပူးပေါင်းရင်းမြစ်များ

Máciya 19:29

Ban an akat bomuu siluufool, mantee kutuyool, mantee kúliinool, mantee atuubawool, mantee jaawool, mantee bañoolool, mantee foof etaamool mata ínje íji, fan abil abaj wahawu unwu feh haŋ to ñoono téemeel, ban foof fan abaj buloŋ bábaneliit.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Hulimahu Hásuumaahu loon Saŋ akiic homuu 4:14

Bale an ahobumuu malamu man emmuu li isenool, bahob let bumit bulaañ bujokool. Mata malamu man emmuu li isenool, fan mulako kábulen li akila dán buloŋabu bábaneliitumuu bóomi li búfulumul.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Kata Lom 1:13

Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 6:22

Bale muñeˈe bukuluul jífuffu’ li humiikeeleto hata kahoofoo, min joono kuloka kata Ateemit. Wahawu wan jommuu li jibaj to wo wommuu min jilako bukan kanabe. Húbanumahu hata bo, ho hommuu buloŋabu bábaneliitumuu.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

1 Kata Koolent 9:17

Nokooleenumuu loon ínje humumom imane min ikaan bulokabu umbu, manooman fan ibajeen bacaam, bale emmuu búteb ban Ateemit asenom, fan ikaan bulokabu ban asenommuu kakaan.

1 Kata Koolent 9:18

Kama bacaamabu búmbaam bo bommuu bay? Bo bommuu min iwaaleyemuu Hulimahu Hásuumaahu montoŋ, bagel̥l̥enut wahawu wan eeteenumuu ibaj li kawaaleyaku kan iwaaleye homuu.

1 Kata Tesalonik 2:19

Li mal̥egenamu, inti bukuluul humumuul foof jommuu li jíjiwoli li jibaj kákangum, li ésuumansuum, li éjambiyayi yan jóomimuu li jísangoolum li yo hákil Amaaŋenawu oololaal Yéesu Kilisita, nan ammuu li abil?

1 Tímote 4:16

Ujuke to li awu humumi li baliikenelabu booli. Uhanken to jaj. Li mal̥egenamu, ukaanumuu loon muñaˈa, fan ufakenoolo awu humumi li bukanabuku kajanteneyimuu foof.