Eébulo 9:28 - Jola-Kasa

²⁸ mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

Eébulo 9:28 ပူးပေါင်းရင်းမြစ်များ

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 26:28

Mata laalu húsimahu húmbaam, húsimahu halitenumuu húfaalumahu han Ateemit ajokumuu bukanabuku, háyuwimuu boot li bukan kameeŋe, boot kabonketaku kata uhoofoolawu.

Hulimahu Hásuumaahu loon Saŋ akiic homuu 14:3

Nan emmuu ijow ikaan kulako boot li bukuluul iban, fan ílaañul iŋaluul íjowetum, bájum bukuluul humumuul foof li jilako tan ínje emmuu li ilako.

Bakaanelabu 1:11

Kánayinaabuku kúl̥ubaaku li kooniil: — Kánayinaabuke káfummulomuu Gálile, kama wáa újiye li joono taatu li kal̥uyo haatiya emitayi? Yéesu ummu, an Ateemit aŋa’muu li bukuluul ájowetum boot li emitayi, fan abil álaañul foof manolamu loon jijukoolumuu li ajow boot ló.

Kata Lom 3:25

Ateemit li asen Yéesu Kilisita alako búsimen boot kayeelen etindihuuñayi yoola, mantee bukanabuku káyinenumuu li akila Yéesu, li kúbajum kabonket kata uhoofoolawu wooliil li eketayi yoola. Ateemit lakankaan loon muñaˈa min áhiis kaanaku lakankaan Ateemit acole. Naanaŋ lakaakat bo uhoofoolawu wan bukanabuku kukaan nomuu,

Kata Lom 5:15

Bale buko kúl̥uba kúbutoobutoo, mata kájiyaku kata Ateemit kunokoolut li kahoofoolaku kata Adam. Li mal̥egenamu, kahoofoo kata an ano bale ammuu Adam, kújimuu bukan kameeŋe li kuket, bale kájiyaku kata Ateemit kuhaŋe maluuk ŋáa’. Kájiyaku unku Ateemit li an ano lásenum kó bukanabuku, akila ammuu Yéesu Kilisita, ban kuhaŋe maluuk ŋáa’.

Kata Lom 6:10

Eketayi yan Kilisita aketumuu, lakeeket ñano boot nanoonan min áfulen kahoofoolaku. Muñeˈe okila ummu li buloŋ, ban buloŋabu boola lalonloŋ bo boot li Ateemit.

Kata Lom 8:23

Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

1 Kata Koolent 1:7

Mó mújimuu bajut káji kakee kata Ateemit kasaŋowuul, bukuluul jammuu li banaak nan Amaaŋenawu oololaal Yéesu Kilisita ammuu li álaŋul.

1 Kata Koolent 15:54

Nan wahawu wakajenemuu wommuu ulako wah wákajeneliit, min wahawu waketemuu ulako wah wáketeliit, no hulimahu unhe han Bakiicelabu bulobumuu hommuu li hubaj: «Ateemit laheeheek eketayi, laniilenniilen yo bándoo.

1 Kata Tesalonik 1:10

Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

2 Kata Tesalonik 2:1

Muñeˈe mata élaañulayi yata Amaaŋenawu li mata huwoogahu hoololaal li akila, kutuyom, wah wano jil̥awuul:

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 1:14

Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

Eébulo 10:10

Yéesu Kilisita lakankaan loon Ateemit afañumuu. Lasensen eniilayi yoola humum yo ñano boot kale, min újowumaal tó ulakowaal bukan kan kukaane kunab.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

Eébulo 7:27

Yéesu anokoolut li élamba yaayu yáamakayi. Jokutool min akaan hunakoohunak kasila boot li uhoofoo woola li wata ésukayi. Lakankaan mo ñano ban kale nan asenoolomuu okila humumool.

Eébulo 9:25

Alámbaawu áamakawu ata kusuwifaku lanokenenoken li eluufayi yata Ateemit li húsim ló hata énuukuleŋ. Bale Kilisita anokenut ló ajow asenoolo okila humumool ñameeŋe alako esalah.

1 Fiyeel 2:24

Latetteb uhoofoolawu woololaal li eniilayi yoola boot li ekuluwaayi, bájum kahoofoo li kuket li ololaal, min uloŋaal buloŋ bacole. Li ucokawu woola bukuluul jífakummuu.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

2 Fiyeel 3:12

Bukuluul jumbuku li kakob min Hunakahu hata Ateemit húliiŋ, ban joote jikaan manooman min húliiŋul cab. Hunakahu unhu emitayi yommuu li ésulo ejow eleem mootoj, min wahawu wáami lómuu ubuuwo li hásufaahu hata sambunasu.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

Eleetalayi yan Súd akiicumuu 1:21

Jilako li húbooliyahu hata Ateemit min jikob hunakahu nan Amaaŋenawu oololaal Yéesu Kilisita ammuu ásenuul buloŋabu bábaneliitumuu, mata kabonketaku koola kúji.

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.