Eébulo 9:15 - Jola-Kasa

¹⁵ Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.

Eébulo 9:15 ပူးပေါင်းရင်းမြစ်များ

Máciya 19:29

Ban an akat bomuu siluufool, mantee kutuyool, mantee kúliinool, mantee atuubawool, mantee jaawool, mantee bañoolool, mantee foof etaamool mata ínje íji, fan abil abaj wahawu unwu feh haŋ to ñoono téemeel, ban foof fan abaj buloŋ bábaneliit.

Máciya 22:3

Ayíiyawu li aboñ kulokaabuku koola kujow kúhooñul bukanabuku kan ahebumuu búyabowabu. Bale li kuhoy babil.

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 25:36

Ibajut wañ ikoko, li jikokom. Li ísomut, li jibilom bayoob. Li ilako li hukul̥, li jibilom bajuk.»

Maak 10:17

Muñeˈe Yéesu li alako li ajow, ánayine akee li áteyul áliiŋul li ákuntuŋ hákilool min agel̥l̥enool aanool: — Anahaan ajake, waa leete ikaan min ibaj buloŋabu bábaneliitumuu?

Hulimahu Hásuumaahu loon Lík akiic homuu 18:18

Muñeˈe anahaan akee ata Kusuwifaku li agel̥l̥en Yéesu aanool: — Anahaan ajake, waa leete ikaan min ibaj buloŋabu bábaneliitumuu?

Hulimahu Hásuumaahu loon Lík akiic homuu 22:20

Manolamu, Yéesu li aŋa’ ejunkayi aseniil buko batiñe kuban, min aan: — Ejunkayi inye, yo yommuu húfaalumahu huwunkulahu hata Ateemit, hájokumimuu li húsimahu húmbaam, háyuwimuu boot li bukuluul.

Hulimahu Hásuumaahu loon Saŋ akiic homuu 10:28

Li isen ko buloŋabu bábaneliitumuu. Let kubil kuket, ban an let ayili alam ko li kuŋenom.

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Kata Lom 5:10

Li mal̥egenamu, naanaŋ alolaal kulatoola kata Ateemit lulakoweenaale, bale li ájowum li eketayi yata Añoolool min akaanolaal ubajaal kajamoo li akila humumool. Muñeˈe emmuu lubajaale kajamoo li akila, kama fan ájowum li buloŋabu bata Añoolool min afakenolaal.

Kata Lom 5:6

Li mal̥egenamu, nan ubajeenutaalumuu sembe, Kilisita li aket boot li alolaal jafañeenutaalumuu Ateemit, nan taŋayi yan Ateemit ajokumuu éliiŋumuu.

Kata Lom 5:8

Bale muñeˈe Ateemit áhiisolaalumuu buu lafañolaalumuu eeno: Kilisita lakeeket boot li alolaal, ban no unnu alolaal baloŋaale kuhoofoola.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

Kata Lom 8:30

Bukanabuku kan Ateemit al̥usumuu yaan no, lahooñiihooñ foof. Bukanabuku kan ahooñumuu, lakaaniikaan foof kulako bukan kacole hákilool. Bukanabuku umbuku kan akaanumuu kulako bukan kacole hákilool, lakaanikaan foof kulako li máyiineniyamu moola.

Kata Lom 9:24

Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif.

2 Kata Koolent 3:6

Okila ákaanolimuu min jiyili jilako kuloka kata húfaalumahu huwunkulahu. Húfaalumahu unhu hubilumut li eluwaayi yakiicimuu, bale li Buyinumabu Banabaabu hubilumulo. Li mal̥egenamu, eluwaayi yakiicimuu emukemuk, bale Buyinumabu Banabaabu busenesen buloŋ.

Kata Galasi 3:20

Mo emmuu, nan Ateemit asenumuu eluwaayi bukanabuku, li Móyiis lájowume, bale nan alobumuu kasen wah Abulaham, akila humumool ajoke min asenool wo. Ajówumut li akee.

Kata Efées 1:7

Añoolool an aboolaatumuu akila ammuu Kilisita. Húsimahu hoola háyuwimuu nan aketumuu, ho laŋammuu min ahal boot li alolaal, min Ateemit abonket uhoofoolawu woololaal. Muñowu lakaanumuu min áhiisolaal buu lásuumumuu eeno.

2 Kata Tesalonik 2:14

Wahawu unwu Ateemit áhooñumuluumuu li Hulimahu Hásuumaahu han jiwaalewuulumuu, mantee li jibaj jooluul li máyiineniyamu mata Amaaŋenawu oololaal Yéesu Kilisita.

1 Tímote 2:5

Li mal̥egenamu, Ateemit ano bale abaje, ban foof an ano bale li áami li tutoo Ateemit li bukanabuku. Anawu ummu okila ammuu Yéesu Kilisita,

2 Tímote 2:10

Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan.

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Eébulo 10:34

Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.

Eébulo 10:36

Tootook min jihanken min jítuk lit, jiyiliwum jikaan wahawu wan Ateemit afañumuu, min jíbajum tó wahawu wan alobumuu kasen.

Eébulo 11:13

Li káyinenaku bukanabuku umbuku feh kúketummuu buko bayabut wahawu wajakaawu wan Ateemit alobumuu kasen, bale kuŋandeŋŋanden wó lóyi min kusaaf wo bo. Kuhahhaas koon buko kujawoola koom li kuñaahoola li etaamaye.

Eébulo 12:24

Bukuluul jijowujow jikooj Yéesu ammuu li tutoo húfaalumahu huwunkulahu han Ateemit ajokumuu li alolaal. Húsimahu hoola háyuwimuu huhaŋe malob jak hata Abel.

Eébulo 13:20

Ateemit ata kásuumaay, layitenuuyitenul Amaaŋenawu hata boot nanoonan.

Eébulo 2:14

Emmuu kama bañiilabu umbu kúl̥ahukowan koom, Yéesu humumool foof li aŋa’ bóono bata ál̥ahukowan, mantee li ájowum li eketayi yoola min ágooten Sayitaane aakumuu sembaasu sata eketayi.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 6:13

Li mal̥egenamu, nan Ateemit aanumuu fan asen Abulaham wahawu wan alobumuu kasenool, lanuunuu li kajawaku koola okila humumool, mata bajut an ahaŋool an aate anuulum li kajawaku kata anawu ummu.

Eébulo 6:15

Mal̥egen Abulaham li ahanken min akob, li abaj wahawu wan Ateemit alobumuu kasenool.

Eébulo 7:22

Mó mújimuu foof, li Yéesu lúbajumaalumuu káwoolu kaanaku lubajaale húfaalum li Ateemit hahaŋe majak.

Eébulo 8:13

Ateemit alobumuu mata húfaalum huwunkul, yo yommuu lalaañene hútinaalahu huhaano. Ban wah uhaan ban li uhallen, let fiyo újimum.

Eébulo 9:12

Nan Kilisita anokenumuu ñano ban kale dán ñéyimuu ŋáa’, ájowetumut ló húsim hata hulow li hata ámuuna, bale húsimahu hoola humum ho lájowetume min afakenolaal boot nanoonan li uhoofoolawu woololaal.

Eébulo 9:16

An alobumuu kulim kata wahawu wan afañumuu min ubaj okila bakete ban li akiic ko akat to, tootook min híis kaanaku anawu ummu lakeeket tówum wahawu wan afañumuu ubaj.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

Saak 1:12

Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

1 Saŋ 2:25

Ban wahawu wan Kilisita alobumuu kasenolaal, wo wommuu buloŋ bábaneliit.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.