Eébulo 12:19 - Jola-Kasa

¹⁹ inti kal̥ok kata kasiin, inti foof kajiil kata hulim. Nan kata Isilayeel kujamumuu kajiilaku unku kata hulimahu, li kuyaakoo Ateemit jakum bil alaañen alobiil hulim hakee afamen to.

Eébulo 12:19 ပူးပေါင်းရင်းမြစ်များ

Máciya 24:31

Nan kasiinaku káamakaku kommuu li kul̥oki, Añool-An fan áboñul kumalakaaku koola kujow boot tanootan li etaamayi, kujow kuwomen bukanabuku kan al̥usumuu, kítum li hulej haahe hata etaamayi boot li haaha.

1 Kata Koolent 15:52

Wahawu unwu fan ubaj yaan li ñano, hi’ loon an amoye, nan kasiinaku kúsolaaku kommuu li kul̥oki. Li mal̥egenamu, nan kasiinaku kúsolaaku kommuu li kul̥oki, bukanabuku kaketumuu fan kuyitowumul li eketayi min kulako bukan kayilaat kuket. Alolaal jaamaalumuu li buloŋ, siniilasu soololaal fan siyaan síbutoo.

1 Kata Tesalonik 4:16

Mata Amaaŋenawu fan alob butiya, min Anahaanawu ata kumalakaaku al̥ok kasiinaku kata Ateemit. Muñeˈe no unnu, Amaaŋenawu humumool fan áwalowumul li emitayi. Bukanabuku káyinenumuu li Kilisita ban li kuket, buko kommuu kujand kuyitowumul li eketayi.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.