Eébulo 12:10 - Jola-Kasa

¹⁰ Li mal̥egenamu, situubawolaal unsu sinaanaak sicolenolaal hin fiyo jatit bale, loon kuyinoomuu li koon jaajak, bale Ateemit okila lacolenewolaacolen boot li majakaamu moololaal, bájum li akaanolaal ulakowaal bukan kanabe loon okila.

Eébulo 12:10 ပူးပေါင်းရင်းမြစ်များ

Kata Efées 4:24

min jilako bukan kuwunkul, káwuweni nokoo li bóonowabu boola, naboo li macole li foof manabe mabilumulo li kahaase kata mal̥egenamu.

Kata Kolos 1:22

Bale muneˈe Ateemit lájowunjowum li eketayi yata eniilayi yata Añoolool, min akaanuul jijamoo li akila humumool. Lakankaan mo mantee li abil akaanuul jiyito hákilool manabe, maakut butila banooban ban an let ayili alob majakut aya li bukuluul.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

2 Fiyeel 1:4

Li wahawu unwu Ateemit ásenumolaamuu wahawu watiineniyaawu ban li uluuk ŋáa’, wan alobumuu kasenolaal, bájum li jiyili jífu’ li kásiibowaku kajakutumuu kammuu li adunaayi inye yakajenumuu, min jíjowum tó jiŋa’ bóonowabu bata Ateemit.