Eébulo 10:39 - Jola-Kasa

³⁹ Bale alolaal uletaal ló li bukanabuku kañakemuu kulaañ búsol min kújim, bale alolaal oomaalumuu bukanabuku káyinenumuu, ban lufakaale.

Eébulo 10:39 ပူးပေါင်းရင်းမြစ်များ

Maak 16:16

An áyinenumuu li Hulimahu Hásuumaahu ban li ábatiiseyi, fan afak; bale an áyinenutumuu, fan ajow li sambun.

Hulimahu Hásuumaahu loon Lík akiic homuu 11:26

Muñeˈe buyinumabu bajakutumuu li bulaañ bujow búŋalul uyinum wakee wajakut woono hutok li úl̥uba, wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu.

Hulimahu Hásuumaahu loon Saŋ akiic homuu 17:12

Nan ilakomuu li buko, li sembaasu sata kajawaku kooli lífooyumiil, kajawaku kan usenommuu. Lifooyiifooy, ban bajut an li buko ájime. Anawu afimmuu min áatiye ájim, akila bale ájimumuu, min kaan loon Bakiicelabu bulobumuu.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

1 Kata Tesalonik 5:9

Mata, Ateemit akaanutolaal to boot min ubil ubujaal katek li etindihuuñayi yoola, bale min úbajumaal kafakaku li Amaaŋenawu oololaal Yéesu Kilisita.

2 Kata Tesalonik 2:3

Jakum jikat an min abuntuul li makaane manooman. Li mal̥egenamu hunakahu unhu let húliiŋ búsukabu bajandut buhoy Ateemit, min Anawu átuulutumuu Ateemit áfulul, áami tómuu abilum aniileni.

1 Tímote 6:9

Bale bukanabuku kafañumuu min kulako kusaanum, fan kulo li jabunt. Jabuutoolaju jata kásiibo kameeŋe kata bul̥uuhoo ban kujakut, fan kujokiil. Kásiibowaku unku kuniilenemuu ban li kújimen bukanabuku umbuku.

Eébulo 10:26

Li mal̥egenamu, ucucaalumuu min unaak uhoofoolaal, ololaal bahaasaale mal̥egenamu ubanaal, let baj kasila káami li kuyili kúfulen uhoofoolawu.

Eébulo 10:38

Ateemit li aan: «Anawu úmbaam acolumuu, fan áloŋum li káyinen, bale añakumuu alaañ búsol, let ibaj ésuumansuum li akila.»

Eébulo 11:1

Káyinen ko kommuu káwoolu kaanaku lubaje wahawu wan úkangummuu oon fan ubaj wo. Ko kommuu káhiis kaanaku wahawu wájukeliitimuu ubabbaj li mal̥egen.

1 Fiyeel 1:5

Wahawu unwu feh boot li bukuluul, jan Ateemit afooyemuu li sembaasu soola humum hata káyinenaku, boot li kafakaku kooluul, kaano tomuu boot min bil Ateemit áhiis ko li hunakahu húbanumahu.

2 Fiyeel 3:7

Emitayi inye li etaamayi inye, so, Hulimahu hanolahu hata Ateemit hukaakat so to boot bil li hunakahu nan kulatoolaaku kata Ateemit kommuu li kutiibi min kubaj katek boot nanoonan. Hunakahu unhu, emitayi li etaamayi fan siniileni li sambun.

1 Saŋ 5:16

An ajukumuu atuyool okila li kakaan kahoofoo kaatut kújiwool li aket, laate al̥aw, ban Ateemit fan asen atuyool ummu buloŋ. Ilobut bukanabuku kakaanumuu uhoofoo waate újiyiil li kuket. Mata baje kahoofoo kájiye an li aket. Inti kahoofoo loon unku leenuul jil̥aw boot li ko.

1 Saŋ 5:5

Ayi aheekumuu adunaayi? Anawu áyinenumuu kaanaku Yéesu ammuu Añiilawu ata Ateemit, okila bale aheekumuu adunaayi.

Búhiisenumabu 17:11

Enúukuleŋayi yaloŋeen nomuu ban muñeˈe elet li buloŋ, yo humum yo yommuu áyiiyawu atoken li áhaajutawu. Yo humum yo yóomisoomi foof akee li kúyiiyaku hutok li kúl̥ubaaku, ban boot min ejow boot kaniilo.

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.