Eébulo 10:33 - Jola-Kasa

³³ Kukee li bukuluul kugeliigel ban li kúcoocikooliil hákil ésukayi feh, kaabuku li kulamben bukanabuku kan kulakomuu kacoocaku loon muñaˈa.

Eébulo 10:33 ပူးပေါင်းရင်းမြစ်များ

1 Kata Koolent 4:9

Li mal̥egenamu, lenseen kama Ateemit lákaanolikaan áloli kufootalaku li foof hákil bukanabuku.

2 Kata Koolent 12:10

Wahawu unwu újimuu li súumom ŋáa’ min ígootomuu, min kugelewommuu, min séngiyewommuu, min ílaamemuu li min ibajemuu buyina humum hata Kilisita, mata nan ígootomuu no libajumuu sembe.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Fílib 4:14

Bale jikankaan jak min jilambenommuu li sílaamasu súmbaam.

1 Kata Tesalonik 2:14

Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

Eébulo 11:26

Li ajok li buyinumool kaanaku, kubesoolumuu loon kubesumuu Kilisita, láalu hubaj hahaŋe maluuk hubajahu feh hata etaamayi yata Ejíf, mata laŋaŋŋa’ sítiijool feh akaan li busuuhenabu ban Ateemit ammuu li abil asenool.

Eébulo 11:36

Kukee li kunaak kujakakaayiil ban li kutekiil kukaluwaas, kaabuku li kujenkiil ban li kukul̥iil.

Eébulo 12:4

Li bútajabu ban jommuu li bo li kahoofoolaku, jitajolut jijow jiyok jiket.

Eébulo 13:13

Lootaale kama úfulaal ujaˈaal ufamaal li okila tíyaŋ ésukayi, min utebaal ñisuuwañu ñoola ugalowaal.