Eébulo 10:29 - Jola-Kasa

²⁹ Jifan jiyinoo min jijuk buu kama katek kata an abese Añiilawu ata Ateemit kóomi li kúsengi eeno; an ákaanumaatiye húsimahu hata húfaalumahu han kuŋalemuu min kúgiilen, ban li agel Buyinumabu basenemuu kájiyaku kata Ateemit.

Eébulo 10:29 ပူးပေါင်းရင်းမြစ်များ

Máciya 26:28

Mata laalu húsimahu húmbaam, húsimahu halitenumuu húfaalumahu han Ateemit ajokumuu bukanabuku, háyuwimuu boot li bukan kameeŋe, boot kabonketaku kata uhoofoolawu.

Máciya 7:6

«Jakum jisen wah wañawo bukanabuku kajakutumuu, kanokoomuu loon sijangi, jakum bil kúlaañul kukaanuul majakut. Jakum foof jiŋa’ usisawu wooluul jitahen bukanabuku kanokoomuu loon sifulugunasu, jakum bil kúkakul wo.

Maak 7:2

Muñeˈe li kujuk kaanaku kukee li kúgoomaku kata Yéesu kutintiñ hutiñahu hooliil li kuŋen kakonte, yo yommuu kufosut kuŋeniil tówum kutiñ loon bútinabu booliil bulobumuu. (

Hulimahu Hásuumaahu loon Lík akiic homuu 12:10

«An li abil alob hulim hajakut aya li Añool-An, anawu ummu Ateemit fan abonketool. Bale an agelumuu Buyinumabu Banabaabu, Ateemit let abonketool.

Hulimahu Hásuumaahu loon Saŋ akiic homuu 10:36

Injé, Atuubaawu al̥usom, ban li áboñulom li adunaayi. Waa wommuu lí úji, li joon ligeggel Ateemit mata min eenumuu: “Injé emmuu Añiilawu ata Ateemit”?

Hulimahu Hásuumaahu loon Saŋ akiic homuu 17:19

Lisenoolosenoolo foofom feh boot li awu mata buko kúji, bájum buko foof li kusenoolo li mal̥egen boot li awu.

Bakaanelabu 7:51

Ecen li afamen aan: — Bukuluul bukan kájamaatiye! Jiŋalut Hulimahu hata Ateemit jikaan li uyinumuul, ban li jihoy bajanten ho. Jihoohoy Buyinumabu Banabaabu. Jinokoonokoo loon situubawuul sihaan.

Kata Lom 16:20

Ateemit ata kásuumaay muñeˈe li agunj Sayitaane li kootaku kooluul. Kájiyaku kata Amaaŋenawu oololaal Yéesu kujow kulako li bukuluul!

1 Kata Koolent 11:27

Wahawu unwu újimuu an atokoñumuu húmbuuluwahu unhu, ban li ahob li ejunkayi li makaane masalut Amaaŋenawu, fan akaanoolo kahoofoo li eniilayi li húsimahu hata Amaaŋenawu.

1 Kata Koolent 11:29

Mata an atokoñumuu húmbuuluwahu unhu ban li ahob li ejunkayi akila bahaasut aan laalu eniilayi yata Amaaŋenawu, anawu ummu láŋaluloŋa’ katek akaanoolo akila humumool nan atokoñumuu húmbuuluwahu unhu ban li ahob li ejunkayi inyu.

1 Kata Koolent 15:25

Li mal̥egenamu, Kilisita laate alako áyii boot yok nan Ateemit ammuu li aheek kulatoolawool feh, ban li aŋaliil asenool ákakul.

1 Kata Koolent 15:27

Li mal̥egenamu, Bakiicelabu bonsoon: «Ateemit lakaanookaan wahawu feh ákakul.» Bale min Bakiicelabu boonumuu «wahoowah feh», lakowut boot li Ateemit ló, mata okila akaanumuu Kilisita wahoowah feh ákakul.

1 Kata Koolent 6:11

Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Eébulo 10:10

Yéesu Kilisita lakankaan loon Ateemit afañumuu. Lasensen eniilayi yoola humum yo ñano boot kale, min újowumaal tó ulakowaal bukan kan kukaane kunab.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 13:20

Ateemit ata kásuumaay, layitenuuyitenul Amaaŋenawu hata boot nanoonan.

Eébulo 2:11

Yéesu okila ágiilenemuu bukanabuku li uhoofoolawu wooliil, ban bukanabuku feh kan ammuu li kágiilenaku, buko foofiil feh Atuuba ano kubaje. Wahawu unwu újimuu Yéesu asuuwut bahooñiil kutuyool,

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 4:14

Emmuu lubajaale álamba áamak abaje sembe, ajowumuu boot li emitayi, ammuu Yéesu Añiilawu ata Ateemit, kama útukaal lit káyinenaku kan ulobaalemuu mata ko.

Eébulo 6:4

Kama muñeˈe buu éemi li nokoo bukanabuku kalaañumuu li buloŋabu booliil buhaanabu? Kulakowenlako li mawuŋaamu mata Ateemit. Kujakenjaken li kájiyaku kabilumulomuu li emitayi, ban li kubaj jooliil li Buyinumabu Banabaabu. Kujuke buu Hulimahu hata Ateemit húsuumumuu eeno, ban kuhaase mata sembaasu sata adunaayi yammuu li ebil, bale li kulaañ kulo li buloŋabu booliil buhaanabu. Muñeˈe an ayilaat alaañen akaaniil min kútiiwo kuŋa’ buloŋ buwunkul, mata buko kulaañenlaañen kuŋa’ Añiilawu ata Ateemit kujow kubaaŋ li ekuluwaayi, min alaañen ageli hákil ésukayi feh.

Eébulo 9:13

Li mal̥egenamu, húsimahu hata kulowaku li hata kúmuunaaku, mantee foof kábunfaaku kata sibaasu san kúsulemuu kan kuŋalemuu kúyu li bukanabuku kakaanumuu kahoofoo, bájum kahoofoolaku li kúfu’ li siniilasu sooliil, min kulako bukan kasete.

Eébulo 9:20

Ban li aan ésukayi: «Laale húsimahu hata húfaalumahu han Ateemit aanuulumuu jijok jak.»

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.