Búhiisenumabu 8:10 - Jola-Kasa

¹⁰ Amalakaawu áhaajutawu li al̥ok kasiinaku koola. Ewuut yáamak yátife loon húlaañaañ hata sambun, li élowumul li emitayi. Nan éliiŋulumuu, li elo li bugeb bano li ugebawu úhaaji wata utunkawu li uhuwenawu. (

Búhiisenumabu 8:10 ပူးပေါင်းရင်းမြစ်များ

Máciya 25:1

— No unnu, Jáyiiyaju jata Ateemit fan jikittenoolumi li básungute kuŋen, kaŋale sihiitumasu sooliil min kúfu’ boot kayallo ábutowaawu.

Hulimahu Hásuumaahu loon Lík akiic homuu 10:18

Yéesu li aaniil: — Lijuujuk Sayitaane li álowumul haatiya emitayi loon kawiwijen kata hufalajaj.

Eleetalayi yan Súd akiicumuu 1:13

Bakaanelabu booliil basuuneniyaabu bunokoonokoo li ñikon ñan kulambaj kata hal hatiñe kúbetenulo. Li kunokoo foof li siwuutasu sammuu li emitayi saliijoole bomuu muñaˈa. Ateemit lacookoole tan sommuu silako akat to li élimayi yáamakayi boot nanoonan.

Búhiisenumabu 1:20

Wahawu wahaasutimuu wata siwuutasu hutok lí síl̥ubaasu san ujukumuu li kaŋenom kúli, li sihiitumasu hutok lí síl̥ubaasu sata éwulusayi wo wommuu unwe: siwuutasu hutok lí síl̥ubaasu so sommuu kumalakaaku kata Sijanguwasu hutok lí síl̥ubaasu, sihiitumasu hutok lí síl̥ubaasu so sommuu Sijanguwasu hutok lí síl̥ubaasu.

Búhiisenumabu 12:4

Ejúnfuulayi li eŋa’ huwetahu hata yo min ewuuwul bano li ugebawu úhaaji wata bawuutabu bammuu li emitayi, ébetenul li etaam. Li ejow eyito tan anaalaawu ajowemuu boot kanokenaku alakomuu, bánum li eyaan ejok añiilawu oola eme’ nan ammuu abuki.

Búhiisenumabu 14:7

Amalakaawu li anaak alob butiya aan: «Jíkoli Ateemit ban li jisalool, mata ewaatuwayi nan ammuu li atiib bukanabuku éliiŋe. Jimanenool. Akila áwuwenumuu emitayi li etaamayi, husamuwahu li úbulenawu wata malamu.»

Búhiisenumabu 16:4

Amalakaawu áhaajutawu li áyu ejunkayi yoola li kusamuwaku li úbulenawu wata malamu, malamu li mulaañ húsim.

Búhiisenumabu 6:13

Bawuutabu li búlowumul li emitayi boot teetaam loon kul̥el̥u kakujut, kan búlus bútekulo li butuulul ko.

Búhiisenumabu 8:7

Amalakaawu átinaalawu li al̥ok kasiinaku koola. Kuteyisa li sambun ságinnoole li húsim li siyaan sílowul li etaamayi. Bugeb bano li úhaajiyawu wata etaamayi li búsulo. Bugeb bano li úhaajiyawu wata unuunukawu li búsulo. Mahosamu feh maloŋumuu li músulo foof.

Búhiisenumabu 9:1

Muñeˈe amalakaawu atokenawu li al̥ok kasiinaku koola. Li ijuk ewuut yálowumulo li emitayi boot li etaam. Li kusen yo ekul̥umayi yata ekoloŋayi yata buwokaayabu básenkiyaabu.

Búhiisenumabu 9:15

Li kúkatenul kumalakaaku kubakiilaku kafaleyimuu kat to boot li ewaatuwayi inyu, li hunakahu unhu, li hul̥eeñahu unhu li kajaañaku unku, nan kommuu li kumuk bugeb bano li ugebawu úhaaji wata bukanabuku feh.

Búhiisenumabu 9:18

Wahawu unwe úhaaji wanaake úfulumulumuu li utumawu wata sifilinjebaasu, wammuu sambunasu, hakoolahu li batolokabu básoyiyaabu, li umuk bano li ugebawu úhaaji wata bukanabuku kammuu li etaamayi.