Búhiisenumabu 7:2 - Jola-Kasa

² Muñeˈe li ijuk amalaka akee li abilumul Akiw. Li átuk húlangumaasowumahu hata Ateemit aloŋumuu. Li alob butiya kumalakaabuku kubakiilaku kan Ateemit asenumuu sembe min kukajen etaamayi li halahu.

Búhiisenumabu 7:2 ပူးပေါင်းရင်းမြစ်များ

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

2 Kata Koolent 1:22

ban li akaan húlangumaasowahu hoola li alolaal, ban li aŋa’ foof Buyinumabu Banabaabu akaan li uyinumawu woololaal, min híis kaanaku mal̥egen fan ubajaal wahawu wan ahahenumuu boot li alolaal.

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

1 Kata Tesalonik 1:9

Bukanabuku feh kulakomuu elob móololi, li kulob foof buu jíyabolimuu eeno nan jibilumuu booluul, li buu bukuluul jikat bomuu úciinawu min jítiiwo jinab li Ateemit, min jilok boot li akila ammuu Ateemit aloŋe ata mal̥egen.

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

Eébulo 12:22

Bale bukuluul jijowujow jikooj huyuuyahu hata Siyoŋ, li ésukayi yata Ateemit aloŋumuu. Yo yommuu Yeelusalem yammuu li emitayi, dán kumalaka kameeŋe mameeŋ kubaje huwoog hata kagaan.

Búhiisenumabu 1:3

Awólo, anawu ammuu ajanga kulimaku unke kabilummuu li Ateemit, kakiicimuu li éliibalayi inye. Awólo bukanabuku kajantenemuu kulimaku unku, ban li kukaan loon kulobumuu, mata taŋayi ékoojulo nan wahawu unwu wommuu li ubaj.

Búhiisenumabu 10:1

Fúlum tó, li ijuk amalaka akee abaje sembe li áwalowumul li emitayi. Li áhimenoolum kafaal ban li baj husu háwooñene húkowahu hoola. Buulabu boola li buleñ loon banak. Kootaku koola li kunokoo li kúlaañaañ kata sambun.

Búhiisenumabu 10:4

Nan kufalajajaku kuwelumuu loon muñaˈa, li ilako li ikiic wahawu wan kulobumuu, bale li ijam hulim habilumulo li emitayi haanom: — Ulu li hulimahu han kufalajajaku hutok li kúl̥ubaaku kulobumuu. Jakum ukiic ho.

Búhiisenumabu 16:12

Amalakaawu atoken li anolawu li áyu ejunkayi yoola li husamuwahu háamakahu han koonemuu Ofúlat. Malamu mata ho li musay min mukat bútin boot li kúyiiyaku kabilummuu akiw.

Búhiisenumabu 5:2

Muñeˈe li ijuk amalaka abaje sembe anaake alob butiya aan: «Ayi atooke min áfulen bálikaañabu, min ábabul éliibalayi yata hubooñahu?»

Búhiisenumabu 8:3

Amalaka akee li abil akooj husilaahu. Li kusenool ecuulaay yameeŋe, bánum li asilawoo yo li ul̥awawu wata bukanabuku feh kata Ateemit, li husilaahu hata éwulusayi hammuu hákil efenjeŋayi yata jáyiiyaju.

Búhiisenumabu 9:14

Hulimahu li hoon amalakaawu atoken li anolawu aakenumuu kasiinaku: «Ukátenul kumalakaaku kubakiilaku kakokimuu tin katunkaku káamakaku kan koonemuu Ofúlat.»

Búhiisenumabu 9:4

Li koon bábanguulabu jakum bukajen mahosamu mata etaamayi, li unuunukenawu, li banuunuk baabu, bale bukaan majakut bukanabuku kabajutumuu húlangumaasowahu hata Ateemit li síjontumasu sooliil.