Búhiisenumabu 6:4 - Jola-Kasa

⁴ Muñeˈe efilinjebe yakee li éfulul. Ejúnjunk loon sambun. Anawu alemboomuu li yo, li kusenool sembe min áfulen kásuumaayaku li etaamayi mantee bukanabuku li kumukoo. Li kulaañen kusenool ékundu yáamak.

Búhiisenumabu 6:4 ပူးပေါင်းရင်းမြစ်များ

Máciya 10:34

— Jakum jiyinoo li joon libiibil boot káŋalul kásuumaay li etaamayi. Ibilut boot káŋalul kásuumaay. Bale kabaay líŋalulo.

Máciya 24:6

Fan jijam bukanabuku li kulob mata kutiik, li mata koone kata kutiik. Bale sákoluul. Mata wahawu unwu wóotisooti ubaj. Bale let fan lako kabanaku kata adunaayi.

Hulimahu Hásuumaahu loon Saŋ akiic homuu 19:11

Yéesu li aanool: — Ubajut sembe sanoosan lí ínje, sábuti li san Ateemit ásenumulimuu haatiya emitayi. Mó mújimuu, anawu abetommuu li kuŋeni lahaŋi mabaj butila.

Búhiisenumabu 12:3

Búhiisenum bakee li bulaañen búfulumul li emitayi. Li kaan éjunfuu yáamak yájunke, yabaje kúkow hutok li kúl̥uba li usiin woono kuŋen. Li baj éjambi li húkowoohukow.

Búhiisenumabu 13:10

An áami tómuu boot bil jajok, fan abil ajoki kul̥. An áami tómuu boot min abil amukumi li ékundu, manooman ékundu fan emukool. Wahawu unwu újimuu bukanabuku kata Ateemit koote kútuk tó lit, ban li kubaj káyinen.

Búhiisenumabu 17:3

Muñeˈe Buyinumabu li bulako lí ínje, amalakaawu li atebom ájowetum boot li kayiinaay. Li ijuk bo anaale alemboole li énuukuleŋ yájunke cúl. Enúukuleŋayi inyu ebaje kúkow koono hutok li kúl̥uba li usiin kuŋen, ban li ebaj tanootan li eniilayi yata yo ujaw wata kúgel Ateemit.

Búhiisenumabu 17:6

Li ijuke, li ijuk kaanaku anaalaawu húsimahu hata bukanabuku kata Ateemit li hata bukanabuku kan kumukumuu mata káyinenaku kooliil li Yéesu kúji, húkaliyenookaliyen. Nan ijukoolumuu li isego ŋáa’.