Búhiisenumabu 6:1 - Jola-Kasa

¹ Muñeˈe li ijuk Agálalaanawu li átoŋ ábabul éliibalayi yan kuŋalumuu bálikaañ hutok li búl̥uba min kubab yo. Nan ákotulumuu bálikaañabu bútinaalabu, li ijam wakee li wahawu ubakiilawu waloŋumuu li ulob hulim haluuke loon kawel kata hufalajaj woon: «Ubil!»

Búhiisenumabu 6:1 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 1:29

Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Bakaanelabu 4:20

Mata áloli jiyilaat jikat balobut wahawu wan jijukumuu, li wan jijamumuu.

Búhiisenumabu 11:19

Muñeˈe Eluufayi yata Ateemit yammuu li emitayi li ébabulo. Ekeesayi li ejuki ló. Li baj kawiwijen, li kulim, li kawel kata kufalajaj. Etaamayi li egoloo, li baj kuteyisa káamak.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 14:2

Li ijam hulim habilumulo li emitayi, ban li hunokoo li kácololen kata mal máamak. Li hunokoo foof loon kawel káamak kata hufalajaj. Hulimahu han ijamumuu hunokoonokoo li kawel kata sikontiñ.

Búhiisenumabu 19:6

Fúlum tó, li ijam hulim hanokoole li húcuh hata búsuk báamak. Li hunaak huwel loon kácololen kata mal máamak, loon foof kawel kata kufalajaj kabaje sembe. Hulimahu hunaake hoon: «Aleluuya! Mata Amaaŋenawu Ateemit oololaal ata sembe, ummu li Jáyiiyaju joola!

Búhiisenumabu 4:8

Wahawu unwu ubakii, wanoowan li wo ubaje ubey woono hutok li kano wabaje kúkil tanootan, kata láala li tíyaŋ. Li unaak ukijen etihunaka uban ehuka woon: «Anabaawu, anabaawu, anabaawu, okila ammuu Amaaŋenawu Ateemit ata sembe, Akila alako to nomuu, áami tomuu, ammuu li abil!»

Búhiisenumabu 5:1

Li ijuk éliibal yata hubooñ li kaŋenaku kúlilaku kata anawu abahumuu li efenjeŋayi yata jáyiiyaju. Hubooñahu hukiicikiic li ugebawu úl̥uba wata ho, ban li kuŋa’ bálikaañ min kujok ho tin toono hutok li tíl̥uba.

Búhiisenumabu 5:12

Li kulob butiya koon: «Agálalaanawu amukimuu, okila atookumuu min ayab sembaasu, li hubajahu, bújallowabu li sembe, kábinkenaku, máyiineniyamu li kasalaku.»

Búhiisenumabu 5:8

Nan Agálalaanawu ayabumuu éliibalayi yata hubooñahu, wahawu ubakiilawu waloŋumuu li kunahaanaku áyii li kubakiilaku kahallenumuu, li kúkuntuŋ hákilool. Anoowan li buko ekontiŋ laakene li sijunk sata éwulus mameeŋe ecuulaay. Sijunkasu unsu sameeŋumuu ecuulaayayi so sommuu ul̥awawu wata bukanabuku kammuu kata Ateemit.

Búhiisenumabu 6:3

Nan Agálalaanawu ákotulumuu bálikaañabu búl̥ubutabu, li ijam wahawu úl̥ubutawu waloŋumuu li woon: «Ubil!»

Búhiisenumabu 6:5

Nan Agálalaanawu ákotulumuu bálikaañabu búhaajutabu, li ijam wahawu úhaajutawu waloŋumuu li woon: «Ubil!» Li ijuke, li ijuk efilinjebe yal̥ayine. Anawu alemboomuu li yo, éfeesawum laakene li kaŋenool.

Búhiisenumabu 6:7

Nan Agálalaanawu ákotulumuu bálikaañabu bubaalikenabu, li ijam wahawu ubakiilenawu waloŋumuu li woon: «Ubil!»

Búhiisenumabu 8:1

Nan Agálalaanawu áfulenumuu bálikaañabu butoken li búl̥ubutabu, li lu sub li emitayi jow yili baj húkej ewaatu.