Búhiisenumabu 4:4 - Jola-Kasa

⁴ Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.

Búhiisenumabu 4:4 ပူးပေါင်းရင်းမြစ်များ

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Hulimahu Hásuumaahu loon Lík akiic homuu 22:30

Fan jitiñ li jihob li buyinjaayabu búmbaam li Jáyiiyaju júmbaam, ban li jibah li sifenjeŋ sata kúyii min jitiib utoŋawu kuŋen li úl̥ubaawu wata Isilayeel.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Búhiisenumabu 11:16

Kunahaanaku áyii li kubakiilaku kahallenumuu, ban li kubah li sifenjeŋasu sooliil sata jáyiiyaju hákil Ateemit, li kuŋa’ wuuliil kuya teetaam min kumanen Ateemit

Búhiisenumabu 14:3

Bukanabuku umbuku li kukijen kakijen kawunkul hákil efenjeŋayi yata jáyiiyaju, hákil wahawu ubakiilawu waloŋumuu li kunahaanabuku kahallenumuu. Ban anoowan ayilaat aliiken kakijenaku unku ábuti li bukanabuku sínjunne téemeel li kúyii kúl̥uba li kubakiilaku kan Ateemit áfakenumulomuu li etaamayi feh.

Búhiisenumabu 19:14

Kúmimaku kata kusollaaliyaku kammuu li emitayi li kulemboo li sifilinjebe sahiite min kunaak kunab li akila. Wañ kukaanowe wata sooy yalehe ban li ehiit falala’.

Búhiisenumabu 19:4

Muñeˈe kunahaanaku áyii li kubakiilaku kahallenumuu, li wahawu ubakiilawu waloŋumuu, li kúkuntuŋ hákil Ateemit abahumuu li efenjeŋayi yata jáyiiyaju, min kumanenool koon: «Aameen! Aleluuya!»

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 20:4

Muñeˈe li ijuk sifenjeŋ sata jáyii. Bukanabuku kabahumuu li so, li kuseniil sembe sata min kutiib. Li ijuk foof saalasu sata bukanabuku kan kufalenumuu kúkow mata kulollob bukanabuku hulimahu hata mal̥egen han Yéesu alobumuu, li mata Hulimahu hata Ateemit húji. Li ijuk foof bukanabuku feh kamanenutumuu énuukuleŋayi yákoyileniyaayi li kambuwaku kata yo, ban kubajut húlangumaasowahu hata yo li síjontumasu sooliil li kuŋenaku kooliil. Li kuyitowumul li eketayi kubil kulako kúyii li mano li Kilisita jow baj simit soono énjunne.

Búhiisenumabu 3:18

Mó mújimuu, boot min isaabi eeni unoom lí ínje éwulus yan kuteŋene li sambun, mantee li ulako mal̥egen an abaje. Unoom foof wañ wahiite min úhimenoo jakum ubil usuu min úfulul makokowut. Li uŋes bubuun min ubunten kúkilaku kooli mantee li unaak uyili ujuk.

Búhiisenumabu 4:10

kunahaanaku áyii li kubakiilaku kahallenumuu, li kúkuntuŋ hákil anawu abahumuu li efenjeŋayi yata áyiiyawu, min kumanen anawu aloŋumuu boot nanoonan. Fan kúfulen síjambiyasu sooliil kuwalen hákil efenjeŋayi yata áyiiyawu, ban li kunaak koon:

Búhiisenumabu 4:6

Li baj foof hákil efenjeŋayi yata áyiiyawu husamu haleñe ban li huyaaŋ loon eweel. Li baj li tut wah ukee woono ubakii waloŋe, wáwooñene efenjeŋayi yata áyiiyawu ban li ubaj kúkil tanootan, hákil li kata búsol.

Búhiisenumabu 5:11

Muñeˈe li ilaañen ijuke, li ijam kulim kata kumalaka kameeŋe mameeŋ, sínjunne li sínjunne. An ayilaat acobiil. Li kuyito kúwooñen efenjeŋayi yata jáyiiyaju, li wahawu ubakiilawu waloŋumuu, li kunahaanaku kahallenumuu.

Búhiisenumabu 5:14

Wahawu ubakiilawu waloŋumuu li unaak woon: «Aameen!» Kunahaanaku kahallenumuu li kúkuntuŋ min kumanen.

Búhiisenumabu 5:6

Muñeˈe li ijuk Agálalaan ayitowe li tut efenjeŋayi yata jáyiiyaju. Wahawu ubakiilawu waloŋumuu li kunahaanaku kahallenumuu, li kúguutool. Agálalaanawu ummu lanokoonokoo li ágalalaan an kumuke. Labaje usiin hutok li úl̥uba li kúkil hutok li kúl̥uba. Usiinawu unwu hutok li úl̥ubaawu li kúkilaku unku, wo wommuu uyinumawu hutok li úl̥ubaawu wata Ateemit wáboñulimuu li etaamayi feh.

Búhiisenumabu 5:8

Nan Agálalaanawu ayabumuu éliibalayi yata hubooñahu, wahawu ubakiilawu waloŋumuu li kunahaanaku áyii li kubakiilaku kahallenumuu, li kúkuntuŋ hákilool. Anoowan li buko ekontiŋ laakene li sijunk sata éwulus mameeŋe ecuulaay. Sijunkasu unsu sameeŋumuu ecuulaayayi so sommuu ul̥awawu wata bukanabuku kammuu kata Ateemit.

Búhiisenumabu 6:11

Muñeˈe li kusen anoowan li buko kájufo kahiite, ban li kooniil kukokkoben jakee boot yok nan kufaaliil kuloka, li kutuyiil kommuu lí kúli kan kommuu li kumuk loon buko.

Búhiisenumabu 7:11

Kumalakaabuku feh li kuyito kúwooñen efenjeŋayi yata jáyiiyaju, kunahaanaku, li wahawu ubakiilawu waloŋumuu. Li kuŋa’ wuuliil kuya teetaam hákil efenjeŋayi yata jáyiiyaju, min kumanen Ateemit,

Búhiisenumabu 7:9

Fúlum tó, li ijuke li ijuk búsuk báamak bata bukan ban an ayilaat acob. Kukankaan bukan kata sihetasu feh, kata utoŋawu feh, kata etaam yanooyan, li kata silobasu feh. Li kuyito hákil efenjeŋayi yata jáyiiyaju li hákil Agálalaanawu. Ujúfo wahiite kukaanowe, ban li kooken úkunt li kuŋeniil.

Búhiisenumabu 9:7

Bábanguulabu umbu bunokoonokoo li sifilinjebe san kufaleˈe boot ejow hutiik. Li baj li kúkowaku kata bo wah ukee wanokoole li síjambi sata éwulus. Wuulawu wata bo li unokoo li wuul wata bukan.