Búhiisenumabu 4:2 - Jola-Kasa

² Muñeˈe Buyinumabu li buyaan bujokom. Li baj li emitayi efenjeŋ yata áyii. Li efenjeŋayi inyu an abah ló.

Búhiisenumabu 4:2 ပူးပေါင်းရင်းမြစ်များ

Máciya 22:43

Yéesu li aaniil: — Kama buu kaane Dayit, li búkaanum bata Buyinumabu Banabaabu, li ahooñ Kilisita Amaaŋen? Mata Dayit lansaan:

Eébulo 8:1

Hulimahu hahaŋumuu kaaku feh kalobimuu, ho hommuu unhe: lubajaale álamba áamak loon ummu. Lababbah li emitayi kaŋen káli efenjeŋayi yata jáyiiyaju jata Ateemit.

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.

Búhiisenumabu 12:5

Muñeˈe anaalaawu li abuk añiil áyine, ammuu li aŋa’ hunuk hata mañ min amat bukanabuku kata sihetasu feh. Bale nan añiilawu abukimuu, li kuyaan kújowetumool boot bata Ateemit, li efenjeŋayi yoola yata jáyiiyaju.

Búhiisenumabu 17:3

Muñeˈe Buyinumabu li bulako lí ínje, amalakaawu li atebom ájowetum boot li kayiinaay. Li ijuk bo anaale alemboole li énuukuleŋ yájunke cúl. Enúukuleŋayi inyu ebaje kúkow koono hutok li kúl̥uba li usiin kuŋen, ban li ebaj tanootan li eniilayi yata yo ujaw wata kúgel Ateemit.

Búhiisenumabu 19:4

Muñeˈe kunahaanaku áyii li kubakiilaku kahallenumuu, li wahawu ubakiilawu waloŋumuu, li kúkuntuŋ hákil Ateemit abahumuu li efenjeŋayi yata jáyiiyaju, min kumanenool koon: «Aameen! Aleluuya!»

Búhiisenumabu 20:11

Fúlum tó, li ijuk efenjeŋ yahiite yáamak yata jáyii, li anawu abah lómuu. Emitayi li etaamayi li sitey síloyiyool, ban anoowan alaañenut ajuk so.

Búhiisenumabu 21:10

Buyinumabu li bulako lí ínje, amalakaawu li atebom ájowetum boot li huyuuy háamak hagimbe. Nan jíliiŋ dómuu, li áhiisom ésukayi yanabaayi, Yeelusalem yan Ateemit áwalenumulomuu li emitayi.

Búhiisenumabu 21:5

Muñeˈe anawu abahumuu li efenjeŋayi yata jáyiiyaju, li aan: «Jijuke, boot min ilaañen wahawu feh uwunkulo.» Li afamen aanom: — Ukiic, mata kulimaku unke kulim kata mal̥egen, ban an layilo áyinen li kó.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.

Búhiisenumabu 4:10

kunahaanaku áyii li kubakiilaku kahallenumuu, li kúkuntuŋ hákil anawu abahumuu li efenjeŋayi yata áyiiyawu, min kumanen anawu aloŋumuu boot nanoonan. Fan kúfulen síjambiyasu sooliil kuwalen hákil efenjeŋayi yata áyiiyawu, ban li kunaak koon:

Búhiisenumabu 4:5

Kawiwijen, li kulim li kákulububen kata hufalajaj, li kúfulumul li efenjeŋayi inyu yata áyiiyawu. Li baj kúlaañaañ hutok li kúl̥uba kalako to kátif hákil efenjeŋayi yata áyiiyawu. Kúlaañaañaku unku ko kommuu uyinumawu hutok li úl̥ubaawu wata Ateemit.

Búhiisenumabu 4:9

Nanoonan nan wahawu ubakiilawu ukijene min uteben, li úbinken ban li usal anawu abahumuu li efenjeŋayi yata áyiiyawu, aloŋumuu boot nanoonan,

Búhiisenumabu 5:1

Li ijuk éliibal yata hubooñ li kaŋenaku kúlilaku kata anawu abahumuu li efenjeŋayi yata jáyiiyaju. Hubooñahu hukiicikiic li ugebawu úl̥uba wata ho, ban li kuŋa’ bálikaañ min kujok ho tin toono hutok li tíl̥uba.

Búhiisenumabu 5:13

Li ijam wahawu feh wan Ateemit áwuwenumuu li emitayi, li etaamayi, li wammuu kata láala etaamayi, li wata husamuwahu: wahawu feh wáami dómuu, li ijam wo li ukijen woon: «Anawu abahumuu li efenjeŋayi yata jáyiiyaju, awu Agálalaanawu, kasalaku li kábinkenaku, máyiineniyamu li sembaasu, jow ulako uya boot nanoonan.»

Búhiisenumabu 6:16

Li kunaak koon kuyuuyaku li kúlankiinaku: «Jílowul jilo li óloli min jíyololi jakum bil anawu abahumuu li efenjeŋayi yata jáyiiyaju ájukoli, mantee Agálalaanawu jakum ábetoli li katek.