Búhiisenumabu 3:4 - Jola-Kasa

⁴ Bale baje bukani kukee li ésukayi yata Saalid kakontenut wañawu wooliil. Bukanabuku umbuku fan kúnabul lí ínje makaanowe wañ wahiite, mata kutootook min kukaan mo.

Búhiisenumabu 3:4 ပူးပေါင်းရင်းမြစ်များ

Máciya 10:11

«Jíliiŋumuu li ésuk élunlumaay mantee foof li ésuk yanooyan, jiŋes min jihaas mantee baj dó an ayilo ayabuul, min jilako boola boot yok nan jommuu jijow.

Maak 16:5

Muñeˈe kanaalaabuku li kunoken li huyaakahu kúliiŋ, li kujuk ló áfu’ mabahe kaŋen kúli, ban li akaano húsabadoo hahiite. Li kúkoli ŋáa’.

Hulimahu Hásuumaahu loon Lík akiic homuu 20:35

Bale kánayinaabuku li kanaalaabuku kan Ateemit aanumuu kutooke min kuyitowul li eketayi min kuloŋ li buloŋabu babilemaa, káyinaaku let kuyab, kaalaaku let kuyabo.

Hulimahu Hásuumaahu loon Lík akiic homuu 21:36

Jijuke to, min jinaak jil̥aw nanoonan, mantee li jibaj sembe min jifak li wahawu wammuu li ubaj, min jiyito hákil Añool-An.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

2 Kata Tesalonik 1:5

Wahawu unwu feh úhihhiis kaanaku batiibabu bata Ateemit bucoccol. Sílaamasu san jílaamemuu li so, so sommuu lí síjiwuul li jilako bukan katooke kalako li Jáyiiyaju jata Ateemit jájimuu li jóomi li sílaamasu unsu.

Eleetalayi yan Súd akiicumuu 1:23

Jílamul kukee li buko li sambunasu min jifakeniil. Kaabuku li jíyiyeniil, bale li ekole ló, ban li jíkaanum jakum bil jigo wañawu wooliil wan bakaanelabu booliil bajakutumuu, bubojenumuu.

Búhiisenumabu 1:11

Hulimahu unhu li hoon: — Ukiic li éliibal wahawu wan ujukumuu, ban li uboñ yo Sijanguwasu unse hutok li síl̥uba: yata Efées, yata Simiin, yata Feelugam, yata Tiyatiil, yata Saalud, yata Filadelifi li yata Lawodise.

Búhiisenumabu 11:13

No unnu, etaamayi li egoloo ŋáa’. Bugebabu buŋenenabu bata ésukayi li buhumo, min bukan koono sínjunne hutok li síl̥uba kuket li kagoloolaku unku kata etaamayi. Bukanabuku kasaŋomuu li kúkoli ŋáa’, li kúbinken Ateemit ammuu haatiya emitayi.

Búhiisenumabu 14:4

Bukanabuku umbuku buko kuhintowutumuu li kanaale, min kulako bukan kanabe. Li kunaak kunab li Agálalaanawu tanootan tan ajowe. Li bukanabuku feh, umbuku kufakenimuu min kulako bukanabuku kútinaalabuku kan kusenumuu Ateemit li Agálalaanawu.

Búhiisenumabu 19:14

Kúmimaku kata kusollaaliyaku kammuu li emitayi li kulemboo li sifilinjebe sahiite min kunaak kunab li akila. Wañ kukaanowe wata sooy yalehe ban li ehiit falala’.

Búhiisenumabu 19:8

Li kusenool kañ kajake majak kata sooy akaano, kanaake kuleñ ban li kuset maset.» (Kañaku kata sooyayi ko kommuu bakaanelabu bacolumuu bata bukanabuku kata Ateemit.)

Búhiisenumabu 3:18

Mó mújimuu, boot min isaabi eeni unoom lí ínje éwulus yan kuteŋene li sambun, mantee li ulako mal̥egen an abaje. Unoom foof wañ wahiite min úhimenoo jakum ubil usuu min úfulul makokowut. Li uŋes bubuun min ubunten kúkilaku kooli mantee li unaak uyili ujuk.

Búhiisenumabu 3:5

«An ammuu aheek, muñaˈa foof lammuu li akaano wañ wahiite. Let íbuj kajawaku koola li éliibalayi yata buloŋabu. Fan ilob hákil Atuubawom lí hákil kumalakaaku koola, een ínje ikilool.

Búhiisenumabu 4:4

Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.

Búhiisenumabu 6:11

Muñeˈe li kusen anoowan li buko kájufo kahiite, ban li kooniil kukokkoben jakee boot yok nan kufaaliil kuloka, li kutuyiil kommuu lí kúli kan kommuu li kumuk loon buko.

Búhiisenumabu 7:9

Fúlum tó, li ijuke li ijuk búsuk báamak bata bukan ban an ayilaat acob. Kukankaan bukan kata sihetasu feh, kata utoŋawu feh, kata etaam yanooyan, li kata silobasu feh. Li kuyito hákil efenjeŋayi yata jáyiiyaju li hákil Agálalaanawu. Ujúfo wahiite kukaanowe, ban li kooken úkunt li kuŋeniil.