Búhiisenumabu 3:18 - Jola-Kasa

¹⁸ Mó mújimuu, boot min isaabi eeni unoom lí ínje éwulus yan kuteŋene li sambun, mantee li ulako mal̥egen an abaje. Unoom foof wañ wahiite min úhimenoo jakum ubil usuu min úfulul makokowut. Li uŋes bubuun min ubunten kúkilaku kooli mantee li unaak uyili ujuk.

Búhiisenumabu 3:18 ပူးပေါင်းရင်းမြစ်များ

Máciya 13:44

— Jáyiiyaju jata Ateemit jinokoonokoo loon ebaj yayoli li kal̥aak, yan an ajuke li alaañen yo ayo’. Muñeˈe buyinumool li búsuum, li ajow anoomen wahawu wan abajumuu feh aban, li anoom kal̥aakaku kata ebajayi.

Máciya 25:9

Bale básungutaabu bájallomuu li kooniil: “A’aa’, éduuliinayi let efit boot li áloli li boot bukuluul. Jijow boot bata kájulayemuu éduuliin, jijow jínoomul bo boot li bukuluul.”

Hulimahu Hásuumaahu loon Lík akiic homuu 12:21

Yéesu li áwuñenum li kulimaku unke: — Wahawu unwu wommuu ubil ubaj an awomene ebaj boot li okila humumool, ban abajut wahoowah hákil Ateemit.

2 Kata Koolent 5:3

Ban jakum ban li lako Ateemit lakaanolaakaan eniilayi inyu aban, li ulakowaal loon bukan kakokowut.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.

1 Tímote 6:18

Ulobiil ooniil kukaan majake, ban li kubaj wah wajake wameeŋe wan kukaane. Ooniil kukaan bukan kásuume ban kubajumuu wah, li kugaboo wo li kaabuku.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 1:7

Sílaamasu unsu soonosoono to boot kayoob mantee jil̥egenl̥egen li káyinenaku kooluul. Ewúlus eyilo ekajen, bale fan kukaan yo li sambun min kujuk mantee égiiwoolut li wah ukee. Muñowu káyinenaku kooluul kóotimuu kuyoobi. Kuhaŋe matiineni éwulus, bale fan kuyoobi foof min juk mantee kul̥egenl̥egen. Muñeˈe nan Yéesu Kilisita ammuu li abil, fan jibaj kábinken, kasal li máyiineni, humum hata káyinenaku kooluul kammuu kata mal̥egen.

Búhiisenumabu 16:15

Amaaŋenawu li aan: «Jijanten, fan ibil loon ákuu! Awólo anawu aatutumuu ámooli min afooy wañawu woola, jakum bil ajow bákolotoo min abaj ñisuu hákil bukanabuku feh.»

Búhiisenumabu 19:8

Li kusenool kañ kajake majak kata sooy akaano, kanaake kuleñ ban li kuset maset.» (Kañaku kata sooyayi ko kommuu bakaanelabu bacolumuu bata bukanabuku kata Ateemit.)

Búhiisenumabu 2:9

“Lihaase sílaamasu sooli li bugayabu booli” — bale li mal̥egenamu lukankaan an abaje. Lihaase kulimaku kajakutumuu kan bukanabuku kaanemuu Kusuwif koom ban kulet Kusuwif, kulobemuu kuya li awu. Bale bukanabuku umbuku koonosoono huwoog hata Sayitaane!

Búhiisenumabu 3:17

Mata loonesoon: “Likankaan usaanum, ínje an abaje, ban igayut wahoowah.” Ban uhaasut oon awu asukateen, li úyiyeni ban li ugay, lí úfuum ban ukokowut!

Búhiisenumabu 4:4

Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.

Búhiisenumabu 7:13

Akee li kunahaanaku kahallenumuu li agel̥l̥enom aanom: — Bukanabuku umbuku kakaanomuu újufowawu wahiitaawu buko kommuu bukay, bay kúfulumulo?