Búhiisenumabu 3:10 - Jola-Kasa

¹⁰ Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.

Búhiisenumabu 3:10 ပူးပေါင်းရင်းမြစ်များ

Máciya 24:14

Hulimahu unhu Hásuumaahu hata Jáyiiyaju fan huwaaleyi tanootan li adunaayi feh, min lako búhiisenum boot li ésukayi feh. Banumuu, kabanaku kata adunaayi li kukit kúliiŋul.

Máciya 26:41

Jakum jímooli. Jil̥aw jakum bil jilo li jabunt. Buyinumabu bufañe, bale eniilayi égootogooto.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Maak 14:9

Li mal̥egenamu fan ilobuul, tanootan tan Hulimahu Hásuumaahu huwaaleyi li adunaayi feh, fan kulob foof wahawu wan anaalaawu ummu akaanumuu, min awayil̥oyi.

Hulimahu Hásuumaahu loon Lík akiic homuu 2:1

No unnu, áyiiyawu áamakawu an koonemuu Ogús li alob min kucob bukanabuku feh kakinumuu li Jáyiiyaju jata Lom.

Hulimahu Hásuumaahu loon Saŋ akiic homuu 17:6

— Likankaan bukanabuku kan úŋalumulomuu li adunaayi usenom, min kuhaas kajawuku kooli. Awu ukileeniil li usenomiil, ban kuŋaŋŋa’ hulimahu hooli kukaan li uyinumiil, min kuloŋ loon hulobumuu.

Kata Lom 1:8

Boot min ijand ísalum Ateemit úmbaam li kajaw kata Yéesu Kilisita humum hooluul, mata bukanabuku kulobelob mata káyinenaku kooluul tanootan li etaamayi.

1 Kata Koolent 10:13

Sílaamasu san jibajumuu, so foof kukee kubajemuu. Bale Ateemit álobeliit aban li añak alaañ búsol, ban let akat min jilo li sílaam sahaŋuul sembe. Nan sílaamasu sommuu li jilowuul, fan asenuul sembe min jiyili jímuñ, li asenuul foof bútin min jífu’ lí só.

Kata Efées 6:13

Wahawu unwu újimuu, jiŋa’ ujunkowawu feh wan Ateemit asenemuu jooken, jakum bil heekuul li jitey, bale min jiyito lit min jitiik boot yok li húbanumahu.

2 Tímote 2:12

Utúkaalumuu lit, fan bil uloŋaal li jáyiiyaju joola li akila ló, Oonaalumuu uhaasutaalool, Akila foof fan abil aan ahaasutolaal.

Saak 3:12

Kutuyom, mantee bul̥el̥u buyilo bubuk kúul̥? Kahuwen kata mal mahile kuyilaat kusen mal máleeliye.

1 Fiyeel 4:12

Kutuyom kan iboolaat, jakum sambunasu sata sílaamasu sammuu li bukuluul síjiwuul li jisego, loon eenimuu wah wájaahaleniye ulowuul.

2 Fiyeel 2:9

Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 11:10

Bukanabuku feh kakinumuu li etaamayi fan súumiil buko bajame eketayi yata bukanabuku umbuku kúl̥uba. Fan kubaj ésuumahukow, ban li kunaak kusenoo bagam, mata bukanabuku umbuku kúl̥uba kammuu kufulofet kukankaan bukanabuku kakinumuu li etaamayi kúlaam ŋáa’.

Búhiisenumabu 13:10

An áami tómuu boot bil jajok, fan abil ajoki kul̥. An áami tómuu boot min abil amukumi li ékundu, manooman ékundu fan emukool. Wahawu unwu újimuu bukanabuku kata Ateemit koote kútuk tó lit, ban li kubaj káyinen.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 14:12

Wahawu unwu újimuu bukanabuku kata Ateemit, kátuulumuu siluwaasu soola ban li kúyinen li Yéesu, koote kuhanken min kúmuñ.

Búhiisenumabu 14:6

Fúlum tó, li ijuk amalaka akee li anaak áyititoo haatiya tiya emitayi. Li aaken Hulim Hásuume hata boot nanoonan, han aate alob bukanabuku feh kakinumuu li etaamayi, kata sihetasu feh, kata utoŋawu feh, kata silobasu feh li kata sísukasu feh.

Búhiisenumabu 16:14

Li mal̥egenamu, laalu uyinum wata kummalaku kakaanemuu wah wájaahaleniye. Uyinumawu unwu fan unaak ujow boot bata kúyiiyaku kata etaamayi feh bájum li uwoogeniil boot li hutiikahu hata hunakahu háamakahu hata Ateemit ata sembe.

Búhiisenumabu 17:2

Kúyiiyaku kata etaamayi kuhintenhinten yo. Bukanabuku kakinumuu li etaamayi li kúkaliyenoolum li bunukabu bata yo, ban li kulo li bucagayetabu bata yo.

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 3:8

Lihaase wahawu wan ukaanemuu. Ujuke, likankaan hákili kámbii kábabuli kan an ayilaat abab. Lihaase een sembaasu siya sifamut, lukankaan loon hulimahu húmbaam hulobumuu, ban uceeŋut oon luhaasom.

Búhiisenumabu 6:10

Li kunaak kulob butiya koon: «Anahaan anabe ata mal̥egen, kama boot min unaak boot yok nay útowum utiib bukanabuku kammuu li etaamayi, min kubaj katek mata min kúmukolimuu?»

Búhiisenumabu 8:13

Muñeˈe li ijuke, li ijuk huwaalu halakowe jíyit haatiya tiya, li ijam ho li hunaak hul̥ok butiya hoon: «Iyéno, íyeno, íyeno bukanabuku kakinumuu li etaamayi, mata kumalaka kaabuku kúhaajiyaku kúji, kammuu li kumit kul̥ok usiinawu!»