Búhiisenumabu 22:9 - Jola-Kasa

⁹ Amalakaawu li aanom: — A’aa’! Jakum ukaan mo! Injé aloka leem loon awu, loon kutuyi kammuu kufulofet, li loon foof bukanabuku feh kátukumuu jak kulimaku kata éliibalayi inyu. Ateemit bale lóotimuu umanen!

Búhiisenumabu 22:9 ပူးပေါင်းရင်းမြစ်များ

Máciya 4:9

Ban li aanool: — Ukúntuŋumuu hákilom min umanenom, fan iseni wahawu unwu feh.

Hulimahu Hásuumaahu loon Lík akiic homuu 4:7

Kama úkuntuŋumuu hákilom min umanenom, wahawu unwu feh li ulako wooli.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

Búhiisenumabu 1:1

Li éliibalayi inye, ló wahawu wahaasutimuu wommuu, wan Ateemit áhiisumuu Yéesu Kilisita. Ateemit láhiisoohiis wó mantee li alob wo kulokaabuku kammuu koola, min kuyili kuhaas wahawu wáatimuu ubaj, ban let fiyo. Wahawu unwu újimuu, Kilisita li aboñ amalakaawu oola bata alokaawu oola Saŋ min ajow áhiisool wahawu unwu.

Búhiisenumabu 1:11

Hulimahu unhu li hoon: — Ukiic li éliibal wahawu wan ujukumuu, ban li uboñ yo Sijanguwasu unse hutok li síl̥uba: yata Efées, yata Simiin, yata Feelugam, yata Tiyatiil, yata Saalud, yata Filadelifi li yata Lawodise.

Búhiisenumabu 14:7

Amalakaawu li anaak alob butiya aan: «Jíkoli Ateemit ban li jisalool, mata ewaatuwayi nan ammuu li atiib bukanabuku éliiŋe. Jimanenool. Akila áwuwenumuu emitayi li etaamayi, husamuwahu li úbulenawu wata malamu.»

Búhiisenumabu 15:4

Ayi aatut ákoliyi, Amaaŋen? Ayi aatut asal kajawaku kooli? Mata awu bale unabe. Bukanabuku kata sihetasu feh fan kubil kumaneni, mata buko feh kujuke buu makaanelamu mooli mucolumuu.»

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 22:10

Muñeˈe amalakaawu li afamen aanom: — Jakum uyoloo kulimaku unku kabilummuu li Ateemit kammuu li éliibalayi inyu, mata taŋayi nan wahawu unwu wommuu li ubaj, ékoojulo.

Búhiisenumabu 22:18

Injé Saŋ, fan ilob anoowan ajame kulimaku kata Ateemit kammuu li éliibalayi inye ikat to. An afamen dómuu wah, Ateemit fan afamenool sílaamasu salobimuu mata so li éliibalayi inye.

Búhiisenumabu 22:7

Yéesu li aan: — Ujanten, muñeˈe li ibil! Awólo anawu ammuu li átuk jak kulimaku kabilummuu li Ateemit, kammuu li éliibalayi inyu.

Búhiisenumabu 4:10

kunahaanaku áyii li kubakiilaku kahallenumuu, li kúkuntuŋ hákil anawu abahumuu li efenjeŋayi yata áyiiyawu, min kumanen anawu aloŋumuu boot nanoonan. Fan kúfulen síjambiyasu sooliil kuwalen hákil efenjeŋayi yata áyiiyawu, ban li kunaak koon:

Búhiisenumabu 9:20

Bukanabuku kasaŋomuu, kaketutumuu li utekawu unwu, kubetut búsol wahawu wan buko humumiil kukaanumuu li kuŋeniil. Kukatut foof kamanen uyinumawu wajakutaawu, sibaŋootasu sata éwulusayi, li sata ehaaliisayi, li sata fálamayi, sata kugisaaku li sayijimuu li simin sata unuunuken. Li kuŋa’ so kukaan úciin, ban siyilaat sijuk, siyilaat sijam, siyilaat foof sijow.