Búhiisenumabu 22:2 - Jola-Kasa

² Li munaak múteyum li tut kaayeenaku kata ésukayi. Li baj li kageb kanookan kata katunkaku, bunuunukenabu bata buloŋabu. Bunuunukenabu umbu li bunaak bubuk mutiñaay ñoono ñaŋen li ñál̥uba emitoomit. Hul̥eeñoohul̥eeñ fan bubuk ñano. Etojayi yata bo yo kuŋalemuu min kubunten bukanabuku kata sihetasu feh.

Búhiisenumabu 22:2 ပူးပေါင်းရင်းမြစ်များ

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

1 Fiyeel 2:24

Latetteb uhoofoolawu woololaal li eniilayi yoola boot li ekuluwaayi, bájum kahoofoo li kuket li ololaal, min uloŋaal buloŋ bacole. Li ucokawu woola bukuluul jífakummuu.

Búhiisenumabu 2:7

«An áakimuu sijan, li ajanten wahawu wan Buyinumabu bulobumuu Sijanguwasu. Anawu ammuu li aheek, fan isenool mutiñaayamu mata bunuunukabu bata buloŋabu bammuu li etoolayi yata Ateemit, atiñ.»

Búhiisenumabu 21:21

Wámbiilawu kuŋen li úl̥ubaawu, wo woonosoono usis kuŋen li úl̥uba. Kámbii kanookan esis yano kuŋale min kukaan ko. Kaayeenaku kata ésukayi li kuŋa’ éwulus yajake majak ban li eleñ loon eweel, min kukaan ko.

Búhiisenumabu 21:24

Bukanabuku kata sihetasu feh fan kújowum li mawuŋaamu moola, ban kúyiiyaku kata etaamayi fan kúŋalul ebajayi yooliil boot ló.

Búhiisenumabu 22:1

Fúlum tó, amalakaawu li áhiisom foof katunkaku kata malamu mata buloŋabu. Malamu ummu mugiwulogiwulo loon eweel, ban li munaak múfulumul li efenjeŋayi yata Ateemit li yata Agálalaanawu.

Búhiisenumabu 22:14

«Awólo bukanabuku kafosumuu wañawu wooliil, min kuyili kutiñ mutiñaayamu mata bunuunukenabu bata buloŋabu, ban li kújowum li wámbiilawu kunoken li ésukayi.

Búhiisenumabu 22:19

An áyaakulumuu wah ukee li kulimaku kata Ateemit kammuu li éliibalayi inye, Ateemit fan áfulen joola li bunuunukenabu bata buloŋabu, ban let ayili anoken li ésukayi yanabaayi. Wahawu unwu ukiicikiic li éliibalayi inye.