Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Búhiisenumabu 22:18 - Jola-Kasa

18 Injé Saŋ, fan ilob anoowan ajame kulimaku kata Ateemit kammuu li éliibalayi inye ikat to. An afamen dómuu wah, Ateemit fan afamenool sílaamasu salobimuu mata so li éliibalayi inye.

အခန်းကိုကြည့်ပါ။ ကော်ပီ




Búhiisenumabu 22:18
23 ပူးပေါင်းရင်းမြစ်များ  

Yéesu li aaniil: — Anuunuken anoowan an Atuubawom ammuu haatiya al̥ukut, fan aluuci.


Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.


Mo emmuu, jakum an abunt atuyool, jakum foof ágecool li wahoowah. Loon jilobuul nomuu ban li jilaañen jilobuul mo, Amaaŋenawu fan atek bukanabuku feh kakaanemuu loon muñaˈa.


Awólo, anawu ammuu ajanga kulimaku unke kabilummuu li Ateemit, kakiicimuu li éliibalayi inye. Awólo bukanabuku kajantenemuu kulimaku unku, ban li kukaan loon kulobumuu, mata taŋayi ékoojulo nan wahawu unwu wommuu li ubaj.


Muñeˈe li ijuk li emitayi búhiisenum bakee báamak ban li bujak majak. Búhiisenumabu umbu bo bommuu: kumalakaaku koono hutok li kúl̥uba kaakene utek hutok li úl̥uba li kuŋeniil. Wo wommuu utekawu úsolaawu, mata li wo etindihuuñayi yata Ateemit yóomummuu li eban.


Kumalakaabuku hutok li kúl̥ubaaku kaakumuu utekawu hutok li húl̥ubaawu lí kúfulumul li Eluufayi yata Ateemit. Wañ wata sooy wahiite falala’ kukaanowe, ban li unaak uleñ. Li kukoko unaal wata éwulus li ugiŋawu wooliil.


Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.


Muñeˈe li kujok Sayitaane anaake abuntiilumuu kubeten li buwokaay bata sambun li batolok básoyiye ŋáa’, dán énuukuleŋayi yákoyileniyaayi foof yommuu li anawu ámalumuu aan afulofet laam. Fan kúlaam dó ŋáa’ etihunaka kuban ehuka, boot nanoonan.


Muñeˈe an kajawool kukiicutimuu li éliibalayi yata buloŋabu, li kubetenool li buwokaayabu bata sambunasu.


Muñeˈe amalakaawu li afamen aanom: — Jakum uyoloo kulimaku unku kabilummuu li Ateemit kammuu li éliibalayi inyu, mata taŋayi nan wahawu unwu wommuu li ubaj, ékoojulo.


«Injé Yéesu, líboñuuboñul amalakaawu úmbaam abil alobuul wahawu feh li sijanguwasu. Injé emmuu bubukoolumabu bata butoŋabu bata Dayit. Injé emmuu elabenayi.»


Yéesu li aan: — Ujanten, muñeˈe li ibil! Awólo anawu ammuu li átuk jak kulimaku kabilummuu li Ateemit, kammuu li éliibalayi inyu.


Amalakaawu li aanom: — A’aa’! Jakum ukaan mo! Injé aloka leem loon awu, loon kutuyi kammuu kufulofet, li loon foof bukanabuku feh kátukumuu jak kulimaku kata éliibalayi inyu. Ateemit bale lóotimuu umanen!


— Ukiic amalakaawu ata Ejanguwayi yata Lawodise oonool: «Anawu aaneyimuu Aameen, alobemuu Hulimahu Hásuumaahu li mal̥egen, an Ateemit áwuwenummuu wahawu feh li akila, laane:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ