Búhiisenumabu 20:4 - Jola-Kasa

⁴ Muñeˈe li ijuk sifenjeŋ sata jáyii. Bukanabuku kabahumuu li so, li kuseniil sembe sata min kutiib. Li ijuk foof saalasu sata bukanabuku kan kufalenumuu kúkow mata kulollob bukanabuku hulimahu hata mal̥egen han Yéesu alobumuu, li mata Hulimahu hata Ateemit húji. Li ijuk foof bukanabuku feh kamanenutumuu énuukuleŋayi yákoyileniyaayi li kambuwaku kata yo, ban kubajut húlangumaasowahu hata yo li síjontumasu sooliil li kuŋenaku kooliil. Li kuyitowumul li eketayi kubil kulako kúyii li mano li Kilisita jow baj simit soono énjunne.

Búhiisenumabu 20:4 ပူးပေါင်းရင်းမြစ်များ

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 24:10

Ban bukan kameeŋe fan kukat káyinen lí ínje. Fan kunaak kúhoolowoo, ban li kulatoo.

Maak 6:16

Bale nan Elod ajamumuu loon muñaˈa, li aan: — Laalu Saŋ Batiis humumool! Injé humumom ilobe min kufalenool húkow, bale kama layitowuloyitowul li eketayi!

Maak 6:27

Mal̥egen Elod li ayaan aboñ asollaali akee ajow áŋalul húkowahu hata Saŋ Batiis.

Maak 9:11

Muñeˈe kúgoomaku li kugel̥l̥en Yéesu koonool: — Kama wáa újiye kaliikenemuu ésukayi eluwaayi ésukayi eluwaayi yata Móyiis li koon: «Elí aate ajand abil?»

Hulimahu Hásuumaahu loon Lík akiic homuu 1:17

Fan abil ló áyabul hákil Ateemit, li buyinumabu, li sembaasu sata afulofetawu Elí, min akaan bañiilabu li situubayiil kubaj hujamoo, min álaañenul kátuulutumuu Ateemit kubaj bújallo loon bata bukan kacole. Fan afale bukan boot kayab Amaaŋenawu.

Hulimahu Hásuumaahu loon Lík akiic homuu 14:14

Ukaan momuu, Ateemit fan ásooniyeni, mata bukanabuku umbuku kuyilaat kulaañeni wahawu wan ukaaniilumuu. Ateemit fan abil alaañeni wahawu unwu nan bukanabuku kátuuloolumuu kommuu kuyitowumul li eketayi.

Hulimahu Hásuumaahu loon Lík akiic homuu 22:30

Fan jitiñ li jihob li buyinjaayabu búmbaam li Jáyiiyaju júmbaam, ban li jibah li sifenjeŋ sata kúyii min jitiib utoŋawu kuŋen li úl̥ubaawu wata Isilayeel.

Hulimahu Hásuumaahu loon Saŋ akiic homuu 14:19

Let fiyo, min bukanabuku kata adunaayi kújukaatiwom. Bale bukuluul fan jijukom, mata ínje ummu li buloŋ, ban bukuluul foof fan jiloŋ.

Kata Lom 11:15

Li mal̥egenamu, nan Ateemit akaanumuu kusuwifaku li kakaŋ, adunaayi ebabbaj hujamoo li akila. Muñeˈe waa wóomi li ubaj nan Ateemit ammuu li alaañen ayabiil? Fan lako bukanabuku kaketumuu fan kúlaañul li buloŋabu.

Kata Lom 8:17

Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

2 Tímote 2:12

Utúkaalumuu lit, fan bil uloŋaal li jáyiiyaju joola li akila ló, Oonaalumuu uhaasutaalool, Akila foof fan abil aan ahaasutolaal.

Búhiisenumabu 1:2

Saŋ li alob bukanabuku wahawu feh wan ajukumuu. Li aan li mal̥egenamu laalu hulimahu hata Ateemit, ban Yéesu Kilisita láhihhiis kaanaku wahawu unwu mal̥egen.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 11:11

Bale, kunakaku unku kúhaaji li húkej etihunaka kúfu’ tómuu, huyih hata buloŋ habilumulo li Ateemit, li hunoken li bukanabuku umbuku kúl̥uba, ban fan kuyito. Nan kuyitomuu, ekole yáamak li ejok bukanabuku kalako tomuu bajukabu booliil.

Búhiisenumabu 11:15

Fúlum tó, amalakaawu ammuu oola, ban fan aaken jáyiiyaju unju boot nanoonan!»

Búhiisenumabu 11:3

Fan íboñul bukan kúl̥uba káami li kúlobul li kajaw kúmbaam. Fan kukaano wañ wata ñikul, ban li kulob bukanabuku hulimahu hata Ateemit jow baj kunak koono énjunne li síteemeel síl̥uba li kúyii kúhaaji.

Búhiisenumabu 11:7

Bale nan kommuu li kuban elob bukanabuku hulimahu han Ateemit aseniilumuu, énuukuleŋayi yákoyileniyaayi yammuu li éfulumul li buwokaayabu básenkimuu fan etiikeniil. Fan eheekiil ban li emukiil.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.

Búhiisenumabu 14:11

Hakoolahu hata sambunasu sálaameneyiilumuu fan hukoolet boot nanoonan. Bukanabuku kamanenemuu énuukuleŋayi yákoyileniyaayi li kambuwaku kata yo, li an ammuu li aŋa’ húlangumaasowahu hata kajawaku kata yo, let kubaj kayool̥o etihunaka kuban ehuka.»

Búhiisenumabu 15:2

Li ijuk foof husamu hayaaŋe loon eweel hágiiwoole li sambun. Li ijuk foof bukanabuku feh kabajumuu kaheek li énuukuleŋayi yákoyileniyaayi, li kambuwaku kata yo, li ecobayi yanaboomuu li kajawaku kata yo. Li husamuwahu unhu kuyitowe, ban li kútuk sikontiŋasu san Ateemit aseniilumuu.

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.

Búhiisenumabu 2:26

«An ammuu aheek, ban li akaan wahawu wan ínje ifañumuu boot yok li húbanumahu, fan ikaanool alako anahaanawu ata bukanabuku kata sihetasu feh.

Búhiisenumabu 20:6

Awólo bukanabuku kajandumuu kuyitowumul li eketayi! Buko bukan kata Ateemit, ban eketayi yál̥ubutayi ebajut li buko sembe sanoosan. Fan kulako kúlamba kata Ateemit li kata Kilisita, ban li kulako kúyii li mano li Kilisita jow baj simit soono énjunne.

Búhiisenumabu 22:5

Ehuka let elaañ ebaj ló. Let kulaañen kusohula mawuŋe mata ehiitum li mata banakabu, mata Amaaŋenawu Ateemit fan awuŋeniil, ban li kulako kúyii boot nanoonan.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.

Búhiisenumabu 4:4

Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.

Búhiisenumabu 6:9

Nan Agálalaanawu ákotulumuu bálikaañabu butokenabu, li ijuk kata láala husilaahu saalasu sata bukanabuku kan kumukumuu mata hulimahu hata Ateemit húji, li mata min kulobumuu bukanabuku hulimahu unhu hata Ateemit.

Búhiisenumabu 7:3

Li aaniil: «Jakum jikaan majakut etaamayi, halahu li unuunukenawu, áloli bakaanolut húlangumaasowahu lí síjontumasu sata kulokaabuku kata Ateemit oololaal.»