Búhiisenumabu 2:3 - Jola-Kasa

³ Luyiliyili húmuñ. Lúlallaam ŋáa’ mata ínje íji, ban úyekowut.

Búhiisenumabu 2:3 ပူးပေါင်းရင်းမြစ်များ

Maak 15:21

Nan kusollaaliyaku kulakomuu kájowetumaku kata Yéesu, li kufam li ánayine akee an koone Simoŋ ata ésukayi yata Siilen, okila li élaañumul bata ul̥ibawu. Simoŋ okila ammuu atuubaawu ata Alekusandul buko li Lífis. Kusollaaliyaku li kutuuŋ Simoŋ ateb ekuluwaayi yata Yéesu.

Hulimahu Hásuumaahu loon Lík akiic homuu 14:27

An atebutumuu ekuluwaayi yoola tan ayilimuu aket, min ánabul lí ínje, let ayili alako ágoomom.

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Hulimahu Hásuumaahu loon Lík akiic homuu 21:19

Jítukumuu lit, fan jifaken buloŋabu booluul.

Hulimahu Hásuumaahu loon Lík akiic homuu 5:5

Simoŋ li aanool: — Anahaan, jimbaale ehukaayi feh ban jijokut wahoowah. Bale emmuu awu ulobe, fan ibet simbaalasu.

Hulimahu Hásuumaahu loon Lík akiic homuu 8:15

Etaamayi yajakumuu, yo yommuu bukanabuku kajamumuu Hulimahu hata Ateemit kuban, li kuyab ho li buyinum bajake ban li kul̥egen. Li kuhanken min kútuk káyinenaku kooliil lit yok kubaj ebukoolum.

Hulimahu Hásuumaahu loon Saŋ akiic homuu 15:21

Bale fan kukaanuul wahawu unwu feh mata ínje íji, mata kuhaasut anawu áboñulommuu.

Kata Lom 12:12

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

Kata Lom 16:12

Jisaafom Tilifen buko li Tilifoos, kammuu li bulok súf boot li Amaaŋenawu. Jisaafom foof Felisid an íboolimuu foof ban li áami li bulok ŋáa’ boot li Amaaŋenawu.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 8:25

Bale úkangumaalumuu li wah wan ujukolutaal, fan ukobaal wo li húmuñ ló.

1 Kata Koolent 13:7

Húbooli latojooletojoo wahawu feh, láyineneyinen wahawu feh, lákangumekangum li wahawu feh, lámuñemuñ wahawu feh.

1 Kata Koolent 16:16

min jikat bukan loon umbuku, li bukanabuku feh kammuu li bulok súf li buko, min kumatuul.

2 Kata Koolent 10:15

Jilet foof li kasaloolo jijow jihaŋ tan jóotimuu jisaloolo jijow jikib, humum hata bulokabu ban kukee kukaane. Bale áloli jibaje kákangum kaanaku káyinenaku kooluul fan kuhaŋ malit, min áloli jiyili jikaan bulok bahaŋe maluuk li bukuluul, jow le tan áloli jóotimuu jikib.

2 Kata Koolent 11:23

Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe.

2 Kata Koolent 4:1

Ateemit li másuumamu moola lásenumolimuu bulokabu umbu. Wahawu unwu újimuu áloli let jíyeko.

2 Kata Koolent 4:16

Wahawu unwu újimuu jakum úyekowaal. Ban maayeet min eniilayi yoololaal yommuu li kakajen, bale kata láalawolaal ummu min wunkulowemuu hunakoohunak.

2 Kata Koolent 5:9

Wahawu unwu újimuu foof, oonowaal li eniilayi inye mantee foof li úfulaal li yo, wahawu wan ufañaalumuu bale, wo wommuu min ukaanaalool súum.

2 Kata Koolent 6:5

Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.

Kata Galasi 6:2

Jilambenoo li bútebabu booluul. Jikaan momuu, jítuule jak eluwaayi.

Kata Galasi 6:9

Jakum ukataal kakaan majake; mata ukatutaalumuu kakaan majake, nan hunakahu hommuu li húliiŋ, fan ubajaal kúwaagen kajake.

Kata Fílib 2:16

Jifañumuu jikaan mo, li jítuk lit Hulimahu hata buloŋabu. Jikaan momuu, fan iyili ísangoolum mooluul li hunakahu nan Kilisita ammuu li álaañul, mata fan híis kaanaku bulokabu búmbaam li sílaamasu súmbaam inti kakaal̥o.

Kata Fílib 4:3

Imban awu humumi foof ammuu afaalom aloka ata mal̥egen, lil̥awi min ulamben kanaalaabuku umbuku kúl̥uba. Kutattaj boot li Hulimahu Hásuumaahu lí ínje ló, famen to foof Kilema li kufaalom kaabuku feh kata bulok, kan ujawawu wooliil wommuu li éliibalayi yata buloŋabu.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Kata Tesalonik 5:12

Kutuyom, jil̥awuul min jiluuken bukanabuku kammuu li bulok súf li bukuluul, buko kan Amaaŋenawu akaanumuu hákiluul boot min kookenuul min foof kuliikenuul.

2 Kata Tesalonik 3:13

Kutuyom, bukuluul jakum jikat kakaan majake.

2 Kata Tesalonik 3:5

Amaaŋenawu ajow akaan min jíbooli Ateemit li uyinumuul, ban li akatuul húmuñahu han Kilisita asenemuu.

2 Kata Tesalonik 3:8

Alóli jikatut an min ákuumenoli maayiiñ, bale jiloolok etihunaka jiban ehuka li buyok li sílaam ló, jakum bil akee li bukuluul ákiloli hutiñ.

1 Tímote 4:10

Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.

1 Tímote 5:17

Kunahaanaku kajokumuu Ejanguwayi jak, háŋum kaakumuu bútebabu bata kawaale li kaliiken bukanabuku Hulimahu, tooke min kuyab bacaam baleˈe ñál̥uba li bacaamabu ban kubajemuu.

Eébulo 10:36

Tootook min jihanken min jítuk lit, jiyiliwum jikaan wahawu wan Ateemit afañumuu, min jíbajum tó wahawu wan alobumuu kasen.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Eébulo 13:13

Lootaale kama úfulaal ujaˈaal ufamaal li okila tíyaŋ ésukayi, min utebaal ñisuuwañu ñoola ugalowaal.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.

Eébulo 6:12

Jakum kahankenaku kooluul kúyaakulo, bale jiliikoo li bukanabuku káyinenumuu ban li kuhanken, li kuyab wahawu wan Ateemit alobumuu kasen.

Eébulo 6:15

Mal̥egen Abulaham li ahanken min akob, li abaj wahawu wan Ateemit alobumuu kasenool.

2 Fiyeel 1:6

li jiŋa’ eyili hujokoo jifamen to li kahaasaku kan jihaasumuu Ateemit, li jiŋa’ kátuk lit jifamen to li eyili hujokoo, li jiŋa’ kákoli Ateemit jifamen to li kátuk lit.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.