Búhiisenumabu 18:9 - Jola-Kasa

⁹ Kúyiiyaku kata etaamayi kanaake kúfulo yómuu, ban li kúloŋum li hubajahu hata yo, fan kúluulen ban li kul̥okoo mata yo, nan kommuu li kujuk hakoolahu hata sambunasu sásulemuu li yo.

Búhiisenumabu 18:9 ပူးပေါင်းရင်းမြစ်များ

1 Tímote 5:11

Bale kanaalaabuku kañiilomuu ban li kuhok kúyiniil, jakum ukaaniil ló, mata nan kásiibowaku kooliil kommuu kújiyiil li kufañ min kulaañen kuyabo, li kukat bo Kilisita.

Búhiisenumabu 14:11

Hakoolahu hata sambunasu sálaameneyiilumuu fan hukoolet boot nanoonan. Bukanabuku kamanenemuu énuukuleŋayi yákoyileniyaayi li kambuwaku kata yo, li an ammuu li aŋa’ húlangumaasowahu hata kajawaku kata yo, let kubaj kayool̥o etihunaka kuban ehuka.»

Búhiisenumabu 17:2

Kúyiiyaku kata etaamayi kuhintenhinten yo. Bukanabuku kakinumuu li etaamayi li kúkaliyenoolum li bunukabu bata yo, ban li kulo li bucagayetabu bata yo.

Búhiisenumabu 18:18

Li kunaak kúluulen butiya nan kujukumuu hakoolahu hata ésukayi yásulomuu. Li koon: «Bajulelut ésuk yanokoole loon ésukayi inyu yáamakayi!»

Búhiisenumabu 18:20

Bale awu Jamit, ésuumansuum elako li awu mata min ésukayi eniilomuu! Esúumansuum elako li bukuluul, jammuu bukanabuku kata Ateemit, bukuluul kufootalaku, mata Ateemit latittiib ésukayi inyu, mata min élaamenuulumuu.»

Búhiisenumabu 18:3

Bukanabuku kata sihetasu feh kuhohhob bunukabu bata bucagayetabu báamakabu bata yo. Kúyiiyaku kata etaamayi li kunaak kúfulo yo, kújulawaabuku kata etaamayi, li kújowum li bucagayetabu bata yo báamakabu, min kuhin kubaj.»

Búhiisenumabu 18:7

Loon lafañumuu ŋáa’ kasaloolo, li buloŋ li hubaj, mo foof jommuu jílaamenool, ban li jikaanool ajuk búyiik. Mata yonsoon li buyinum yo: “Libabbah taate loon áyii anaale, ilet anaale ahoke áyinool, ban let ibil ibaj ñikul maayeet.”

Búhiisenumabu 19:3

Búsukabu li bulaañen boon: «Aleluuya! Hakoolahu hata ésukayi yáamakayi yásulomuu, fan hukoolet boot haatiya boot nanoonan.»

Búhiisenumabu 2:22

Mó mújimuuu, fan ikaanool alo li sílaam sáamak li kuhint, ban fan ibet foof kufaalool kan kúfulowe bomuu muñaˈa li sílaam sáamak, buko bakatut makaanelamu moola.