Búhiisenumabu 18:3 - Jola-Kasa

³ Bukanabuku kata sihetasu feh kuhohhob bunukabu bata bucagayetabu báamakabu bata yo. Kúyiiyaku kata etaamayi li kunaak kúfulo yo, kújulawaabuku kata etaamayi, li kújowum li bucagayetabu bata yo báamakabu, min kuhin kubaj.»

Búhiisenumabu 18:3 ပူးပေါင်းရင်းမြစ်များ

Hulimahu Hásuumaahu loon Lík akiic homuu 7:25

Kama waa jijowe jijukul? Waa, ánayine akaanowe wañ wáyikiye? Jiwayil̥o joon kakaanowemuu wañ watiineniye ban li kóomi li májiihe, li siluufasu sata kúyiiyaku koom.

1 Tímote 5:11

Bale kanaalaabuku kañiilomuu ban li kuhok kúyiniil, jakum ukaaniil ló, mata nan kásiibowaku kooliil kommuu kújiyiil li kufañ min kulaañen kuyabo, li kukat bo Kilisita.

Búhiisenumabu 14:8

Nan átinaalawu alobumuu aban, amalaka akee ál̥ubut li áfulul ban li aan: «Babiloon eyiisoole, Babiloon yáamakayi eyiisoole, yo yakaanumuu bukanabuku kata sihetasu feh, kuhob bunukabu bata bucagayetabu, bakaanemuu Ateemit etindihuuñ.»

Búhiisenumabu 17:2

Kúyiiyaku kata etaamayi kuhintenhinten yo. Bukanabuku kakinumuu li etaamayi li kúkaliyenoolum li bunukabu bata yo, ban li kulo li bucagayetabu bata yo.

Búhiisenumabu 18:19

Li kukannoo, li kúluulen, li kugamoo ban li kul̥ok butiya koon: «Iyéno! Iyéno! Iyéno ésukayi yáamakayi, yan emmuu hubajahu hata yó hújimuu bukanabuku feh, kaakumuu síbato li husamuwahu li kubaj. Ewaatu yano bale efite mata min uyaan uniilo!

Búhiisenumabu 18:23

Ehiitum let elaañen ewuŋen booli. An foof let alaañen ajam booli hulim hata bukan kakite li kuyabo. Mata kújulawaabuku kooli kulakomuu bukanabuku káamakabuku kata etaamayi, ban li unaak ukaan jángafayinde, min ubunt bukanabuku kata sihetasu feh.

Búhiisenumabu 18:7

Loon lafañumuu ŋáa’ kasaloolo, li buloŋ li hubaj, mo foof jommuu jílaamenool, ban li jikaanool ajuk búyiik. Mata yonsoon li buyinum yo: “Libabbah taate loon áyii anaale, ilet anaale ahoke áyinool, ban let ibil ibaj ñikul maayeet.”

Búhiisenumabu 18:9

Kúyiiyaku kata etaamayi kanaake kúfulo yómuu, ban li kúloŋum li hubajahu hata yo, fan kúluulen ban li kul̥okoo mata yo, nan kommuu li kujuk hakoolahu hata sambunasu sásulemuu li yo.